Həftə içi 5 gün səhər saat 09:00-dan 11:00-a kimi Kanal S-də \"Xəbərin var?\" adlı verilişin aparıcıları İsa Şükürov və Elyar Sadiqovdur.

Tədbirin açılışında gənclər və idman naziri Fərid Qayıbov çıxış edərək qonaqları salamlayıb. Nazir türk dövlətlərinin əməkdaşlığı çərçivəsində həyata keçirilən son yeniliklərin və əməkdaşlığın gənclər və idman sahəsinə verdiyi töhfələr barədə danışıb. Çıxışlar zamanı nazirlər ortaq türk gənclər və idman gündəliyinə sadiq olduqlarını bəyan edərək bu istiqamətdə TDT əməkdaşlıq çərçivəsinə uyğun olaraq görülən işlərin əhəmiyyətini vurğulayıblar. Görüşdə bir sıra vacib qərarlar qəbul edilib.

Nazirlərin görüşündən bir gün öncə isə Türk Dövlətləri Təşkilatının Gənclər və İdman İşçi Qrupunun VII İclası keçirilib. İclasın əsas məqsədi gənclər və idman sahəsində yeni təşəbbüslərin növbəti mərhələlərini müzakirə etmək olub. Türk Dövlətləri Təşkilatının Gənclik Gündəliyinin əsas hədəfləri və iclasın gündəliyi müzakirə olunub. İclas iştirakçıları Şamaxı şəhərində Ulu Öndər Heydər Əliyevin 100 illiyinə həsr olunmuş “Türkdilli Dövlətlərin Beynəlxalq Badminton Turniri”nin final görüşlərini izləyib, qaliblərin mükafatlandırma mərasimində də iştirak ediblər.

Ümummilli Lider Heydər Əliyevin 100 illik yubileyinə həsr olunmuş Türkdilli dövlətlərin beynəlxalq badminton turnirinə yekun vurulub. Azərbaycan, Türkiyə, Qazaxıstan, Özbəkistan və Qırğızıstanı təmsil edən idmançılar Şamaxı İdman Olimpiya Kompleksində 5 kateqoriya üzrə yarışıblar. Kişilərin şəxsi yarışının finalında badmintonçumuz Diki Pangestu türkiyəli Əmrə Laləyə 2:1 hesabı ilə qalib gələrək, turnirin qızıl medalına sahib çıxıb.

Qadınların şəxsi yarışının həlledici duelində Türkiyə təmsilçisi Özgə Bayrak idmançımız Era Maftuhanı hər iki setdə üstələyib. Kişilərin qoşa yarışında Sərhat Salim-Yusuf Ramazan tandemi Diki Pangestu-Muhammed Kadafi cütünə 2:1 hesabı ilə qalib gəlib. Qadınların qoşa yarışında türkiyəlilər İlayda Nur-Sare Ece dueti finalda Aişa Zumabek-Nargiza Raxmatullayeva cütlüyünü hər iki setdə məğlub edərək, qızıl medal qazanıb.

Qarışıq qoşa kateqoriyasında isə badmintonçularımız Muhammed Kadafi-Era Maftuha ikilisi həlledici görüşdə Buğra Aktaş-Sinem Yıldız tandemini 2:0 hesabı ilə məğlub edib.Sonda qaliblər mükafatlandırılıblar.

Şəki-Zaqatala Regional Təhsil İdarəsinin təşkilatçılığı ilə Zəfər Gününə həsr olunmuş tədbir keçirilib. Tədbirdə Təhsil İdarəsinin rəsmiləri, idarənin müvafiq struktur bölmə rəhbərləri, təhsil işçiləri, şəhid ailələri, qazilər, müharibə veteranları iştirak ediblər. Çıxış edənlər tədbir iştirakçılarını 8 noyabr - Zəfər Günü münasibətilə təbrik edib, dövlətimizin gündən-günə qüdrətləndiyini, xalqımızın hər zaman qələbəyə layiq olduğunu vurğulayıblar. Bildirilib ki, Prezident İlham Əliyevin elan etdiyi “Qarabağ Azərbaycandır və nida” şüarı Qələbəyə səsləyən rəhbər çağırışı olub və Zəfər yürüşü düşmənin sonadək bütün torpaqlarımızdan qovulması ilə nəticələnib. Tədbir şagirdlərin ifasında şanlı Zəfərimizdən bəhs edən ədəbi-bədii kompozisiyalarla davam edib.

Həftə içi 5 gün səhər saat 09:00-dan 11:00-a kimi Kanal S-də \\\"Xəbərin var?\\\" adlı verilişin aparıcıları İsa Şükürov və Elyar Sadiqovdur.

8 Noyabr - Zəfər günü münasibətilə Şamaxıda təntənəli tədbir keçirilib. İştirakçılar ümummilli lider Heydər Əliyevin abidəsini ziyarət edib, xatirəsini ehtiramla yad ediblər. Ardınca keçirilən tədbirə Şamaxı Rayon İcra Hakimiyyətinin rəsmiləri, millət vəkili, rayon ictimaiyyəti, şəhid ailələri və müharibə iştirakçıları qatılıb. Çıxışlarda bu qələbənin Azərbaycan tarixində böyük əhəmiyyəti və əvəzolunmaz yeri barədə danışılıb. Vurğulanıb ki, xalqımızın müzəffər Ali Baş Komandanın dəmir yumruğunda birləşərək əldə etdiyi qələbə siyasi iradənin, milli həmrəyliyin və müasir ordunun qurulmasının məntiqi nəticəsidir. Vətənimizin bütövlüyü uğrunda canını fəda edən şəhidlərimizin heç zaman unudulmayacağı bildirilib. Tədbirin rəsmi hissəsindən sonra respublikanın tanınmış incəsənət xadimlərinin iştirakı ilə 8 Noyabr - Zəfər gününə həsr olunmuş konsert proqramı keçirilib. Konsert atəşfəşanlıqla yekunlaşıb.

İsmayıllıda da 8 Noyabr-Zəfər Günü münasibətilə ümumrayon tədbiri keçirilib. Bayram tədbirində Rayon İcra Hakimiyyətinin rəsmiləri, millət vəkili, şəhid ailələri, qazilər və ictimaiyyət nümayəndələri iştirak edib. Ərazi bütövlüyümüzün bərpası zamanı şəhid olan Vətən övladlarının xatirəsi ehtiramla yad edilib. Çıxış edənlər Müzəffər Ali Baş Komandanın qətiyyətli iradəsi, qüdrətli ordumuzun gücü qarşısında düşmənin 44 günə məhv edildiyinə diqqət çəkiblər. Vurğulanıb ki, bu gün Azərbaycan xalqının Qarabağa qovuşduğu, tarixi zəfərə imza atdığı, şəhidlərimizin, Xocalı qurbanlarının, Gəncə, Bərdə digər şəhər və rayonlarımızda terror zamanı həlak olan günahsız insanların qisasının döyüş meydanında alındığı gündür. Bayram tədbiri konsert proqramı ilə davam edib.

Qəbələdə Zəfər Gününə həsr edilmiş tədbirdən önvə iştirakçılar şəhidlər xiyabanını ziyarət edib, onların xatirəsinə ehtiram nemayiş etdiriblər. Ardınca keçirilən tədbirdə rayon rəsmiləri və ictiamiyyət nümayəndələri, Vətən müharibəsi iştirakçıları, şəhid yaxınları iştirak edib. Çıxışlarda əsası Ulu Öndər Heydər Əliyev tərəfindən qoyulmuş ordu quruculuğu strategiyasının Prezident İlham Əliyev tərəfindən uğurla davam etdirilməsi nəticəsində doğma torpaqlarımızın işğaldan azad olunmasından və tarixi ədalətin bərpa edilməsindən bəhs edilib. Ardınca Zəfər günü tədbirlərinə konsert proqramı ilə yekun vurulub.

Zəfər günündə Şəkidə Rayon administrasiyası, millət vəkilləri, ictimaiyyəti nümayəndələri, şəhid ailələri və müharibə iştirakçıları şəhidlər xiyabanını ziyarət edib, zəfər kompleksi və şəhidlərin məzarı önünə çiçəklər düzüb, xatirələrini yad ediblər. Heydər Əliyev mərkəzində keçirilən tədbirdən öncə isə ümummilli liderin abidəsi ziyarət edilib. Tədbirdə çıxış edənlər vurğulayıb ki, tarixi Zəfərlə əsası qoyulan yeni inkişaf mərhələsi Azərbaycanı daha parlaq gələcəyə və yeni-yeni qələbələrə doğru inamla irəli aparır. Uzun illər erməni vəhşiliyinə məruz qalmış doğma və əzəli yurdlarımızın sürətlə dirçəldilməsi və bu torpaqların əsl sahiblərinin qayıdışının təmin edilməsi hər birimizi qürurlandırır. Bu günü bizə yaşadan qəhrəmanlarımız isə heç zaman unudulmayacaq. Rəsmi hissənin ardınca Qarabağ zəfərinə həsr olunan videoçarx nümayiş olunub.
Zəfər günü tədbirləri Bəxtiyar Vahabzadə adına parkda baş tutan konsert proqramı ilə davam edib. Bayram tədbiri atəşfəşanlıqla yekunlaşıb.

Qaxda rayon rəsmiləri və ictiamiyyət nümayənədləri əvvəlcə ulu öndər Heydər Əliyevin abidəsini ziyarət ediblər. Ardınca Vətən uğrunda canını fəda edən qəhrəmanlarımızın xatirəsi ehtiramla yad edilib. Zəfər Gününə həsr olunmuş tədbirdə isə çıxış edənlər Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi qələbəni təmin edən ən mühüm amil olduğunu xüsusilə diqqətə çatdırıblar. Tədbirə bayram konserti ilə yekun vurulub.

Zəfər günü Zaqatalada da silsilə tədbirlərlə qeyd edilib. Səhər saatlarında şəhidlərin məzarlarının və Zəfər kompleksini ziyarətlə başlanan tədbir daha sonra konfrans şəklində davam edib. Çıxışlarda bildirilib ki, 2020-ci il noyabrın 8-də Müzəffər Ali Baş Komandan İlham Əliyevin rəhbərliyi ilə rəşadətli Ordumuz tərəfindən tarixi, mədəni və strateji əhəmiyyətə malik, Qarabağın tacı olan Şuşa şəhərinin işğalçılardan azad edilməsi xalqımızın Vətən müharibəsindəki ən böyük hərbi qələbəsi olub. Qədim Şuşa şəhərinin işğaldan azad edilməsi müharibənin sonrakı gedişinə və taleyinə həlledici təsir göstərərək Zəfər Günü kimi tariximizə yazılıb. Daha sonra silsilə tədbirlər sərgi və bayram konserti ilə davam edib