Şamaxının Ərçiman kəndinin yerli sakinləri təbii qazın yoxluğu səbəbindən uzun illərdir ki, əziyyət çəkirlər. Sakinlərin sözlərinə görə, ətrafdakı ucqar kəndlərə belə mavi yanacaq verilsə də adıçəkilən bu kənd sanki unudulub. 150 dən çox ailənin məskunlaşdığı kəndin sakinləri ilin bütün fəsillərini min bir əziyyətlə başa vurur. Əməkdaşımız Cavanşir Seyfəddinoğlu sözü gedən kənddə olub sakinlərin mavi yanacaq problemlərini hər tərəfli lentə alıb.Şamaxının Ərçiman kəndi rayon mərkəzindən 30 km aralıda, Pirsaat çayının sahilində, dəniz səviyyəsindən 1500 metr hündürlükdə yerləşir. Bu kəndin təkcə çay daşlarından tikilən evləri yox, əhalisinin həyat tərzi də qədim dövrləri xatırladır. 21-ci əsrdə yaşamağımıza baxmayaraq Ərçimanın mavi yanacaq problemi hələ də öz həllini tapmayıb. 700 -dən çox əhalisi olan kəndin sakinləri mavi yanacaq əvəzinə odundan, gərmədən istifadə edir. Kəndin yaşlı sakinlərindən biri 68 yaşlı Binyət Məhərrəmov deyir ki, gözünü açandan bu kəndə nə yol görüb nə də qaz. Havalar soyuyar-soyumaz o da bütün kənd sakinləri kimi yanacaq axtarışındadır. Vəziyyətdən çıxış yolu kimi kənddən 2 km aralıda yerləşən meşələrə üz tuturlar ki, ağaclardan qopub yerə tökülən çör-çöpü toplayıb mavi yanacaq əvəzinə yandırsınlar. Bu da ağır zəhmət tələb edir. Bu əziyyətli işdə isə yeganə köməkçiləri ulaqlardır. Amma kənddə ulaq tapmaq da asan deyil. Ulağı olmayan və ya tapmayan sakinlər çör-çöpü piyada gətirməli olurlar. Min bir əziyyətlə gətirdikləri çör-çöplə də bilmirlər ki, evi qızdırsınlar yoxsa məişət ehtiyaclarına istifadə etsinlər. Sakinlər kəndə mavi yanacağın verilməsi üçün aidiyyatı quruma dəfələrlə müraciət etdiklərini deyirlər. Ancaq hələlik heç bir nəticə əldə olunmayıb. Çarəsiz qalan sakinlər həyət-bacada meyvə ağaclarını kəsməyə, ya da elektrik enerjisindən istifadə etməyə məcbur qalırlar. Ağacların kəsilməsi yaşıllıqların məhvinə, elektrik enerjisindən istifadə isə xətlərin həddən artıq yüklənməsinə səbəb olur. \"Azəriqaz\" İB-dən də Ərçiman kəndindəki vəziyyətdən xəbərdar olduqları bildirildi. Qurumun mətbuat katibi məsələnin gündəmdə olduğu, tezliklə həllini tapacağı vədini verdi. Beləliklə gələn ildən etibarən Ərçimanlıların çəkdiyi əziyyət tarix olacaq.

Həftə içi 5 gün səhər saat 09:00-dan 11:00-a kimi Kanal S-də \"Xəbərin var?\" adlı verilişin aparıcıları İsa Şükürov və Elyar Sadiqovdur.

Hadisə noyabrın 13-dən 14-ə keçən gecə rayonun Meşəşambul kəndində, kənd sakini Nazim Gəncəliyevə məxsus, ümumi sahəsi 160 kvadratmetr olan kürsülü birmərtəbəli 5 otaqdan ibarət fərdi yaşayış evində baş verib. Qeyd edək ki, ev sahibi Nazim Gəngəliyev hazırda Rusiya Fedarasiyasındadı. O, bu günlərdə qız övladının toyuna evə gəlməli idi. Yanğın nəticəsində qızın toyuna alınan cercehiz yanıb.

Həftə içi 5 gün səhər saat 09:00-dan 11:00-a kimi Kanal S-də \\\"Xəbərin var?\\\" adlı verilişin aparıcıları İsa Şükürov və Elyar Sadiqovdur.

Şamaxıda “Sazlı-sözlü kələğayı” günləri keçirilib. Mədəniyyət Nazirliyinin dəstəyi, Şamaxı Rayon İcra Hakimiyyətinin, Dağlıq Şirvan Regional Mədəniyyət İdarəsinin birgə təşkilatçılığı ilə keçirilən tədbirdən öncə iştirakçılar kələğayılardən ibarət şərgiyə baxış keçiriblər.. Sərgidə “Yeddi rəng”, “Heyratı”, “Bəstə-nigar”, “Gəlinlik”, “Noxudu”, “Zeytuni”, “Ağzəmin-zanbağı”, “Ağzəmin-qızılı” və s. adda 100-dən artıq kəlağayı nümunələri iştirakçılara təqdim olunub. Ardınca tədbirdə milli mədəni ruhumuzu, adət və ənənələrimizi özündə ehtiva edən kələğayımızın keçdiyi tarixi yoldan geniş söhbət açıb, bu kimi tədbirlərin keçirilməsinin əhəmiyyətindən bəhs ediblər. Xüsusilə vurğulanıb ki, Azərbaycan kəlağayı sənəti “Kəlağayı simvolizmi və ənənəvi sənəti” adı ilə UNESCO-nun Qeyri-Maddi Mədəni İrs üzrə Reprezentativ Siyahısına daxil edilib. Tədbirin bədii hissəsində tanınmış xanəndələr və aşıqlar ansamblının çıxışları tamaşaçılara xoş ovqat bəxş edib.

Həftə içi 5 gün səhər saat 09:00-dan 11:00-a kimi Kanal S-də \"Xəbərin var?\" adlı verilişin aparıcıları İsa Şükürov və Elyar Sadiqovdur.