Səfir rayon icra hakimiyyətinin başçısı ilə görüşüb. Görüş zamanı səfirə rayonun iqtisadi göstəriciləri, sosial və mədəni həyatı, rayonda yaradılan yeni istehsal müəssisələri, sənaye və turizm obyektləri barədə ətraflı məlumat verilib. Ardınca Qəbələ rayon Mədəniyyət Mərkəzində İndoneziyanın Azərbaycandakı Səfirliyi tərəfindən tədbir təşkil edilib.Tədbirdə səfir Hildi Hamid, Qəbələ Rayon İcra Hakimiyyətinin, rayonun idarə və təşkilatlarının, eləcə də rayon ictimaiyyətinin nümayəndələri iştirak edib. Öncə İndoneziya Respublikasının məhsullarından ibarət sərgiyə baxış keçirilib, tədbiri açıq elan edən RİH- başçısının müavini tədbirin Ümummilli Lider Heydər Əliyevin anadan olmasının 100 illiyinə və Azərbaycan Respublikası ilə İndoneziya Respublikası arasında imzalanmış diplomatik əlaqələrin 31-ci ildönümünə həsr edildiyini qeyd etmiş və belə möhtəşəm tədbirin keçirilməsi üçün Qəbələnin seçildiyinə görə cənab səfirə minnətdarlığını bildirib. Çıxış edən səfir Hildi Hamid İndoneziya Respublikasının mədəniyyəti barədə məlumat verib və tədbirin keçirilməsi üçün yaradılan şəraitə görə rayon rəhbərliyinə təşəkkür bildirib. Sonda İndoneziya Respublikasının incəsənət kollektivlərinin iştirakı ilə milli musiqi və rəqslərdən ibarət konsert proqramı təqdim edilib.

Tədbir maraqlı anlarla yadda qalıb. Hindistanın Azərbaycandakı səfirliyi Beynəlxalq Yoqa Gününə həsr olunmuş növbəti tədbir keçirib. Tədbir bu dəfə \"Şabran\" hotelində baş tutub. Təqdimat mərasimində qonaqlara ənənəvi hind təbabəti Ayurveda, bədən və ruhun harmoniyasını, fiziki, əqli və mənəvi sağlamlığı yaratmağa imkan verən yoqa dərsləri haqqında məlumat verilib. Sonra Hindistanın Assam əyalətinin ənənəvi mahnı və rəqslərindən ibarət proqram təqdim olunub. Xatırladaq ki, 2014-cü ildə Birləşmiş Millətlər Təşkilatı Hindistanın təşəbbüsü ilə irəli sürülən və 117 dövlətin dəstəklədiyi qətnaməni qəbul etməklə, 21 iyun tarixini Beynəlxalq Yoqa Günü elan edib.

Həyətində narkotik tərkibli bitkilər yetişdirən şəxs saxlanılıb Qəbələdə narkotiklərin qanunsuz dövriyyəsi ilə məşğul olan və həyətyanı sahəsində narkotik tərkibli bitkilər yetişdirən şəxs saxlanılıb. Qəbələ Polisinin keçirdiyi əməliyyat zamanı rayonun Şamlı kənd sakini Azər Yusibov şübhəli şəxs qismində saxlanılıb. Onun yaşadığı ünvana baxış keçirilərkən yarımtikilidən yarım kiloqrama yaxın qurudulmuş marixuana və evin həyətyanı sahəsində aqrotexniki qaydada qulluq göstərilməklə yetişdirilən çətənə kolları aşkar edilərək götürülüb. Azər Yusibov ifadəsində əməlini etiraf edib. Faktla bağlı Qəbələ Rayon Polis Şöbəsində əməliyyat-istintaq tədbirləri davam etdirilir.

Yağan güclü yağışlar Şəki şəhər 11 nömrəli məktəbdə yerləşən imtahan mərkəzinin divarlarından su sızmasına səbəb olub. Nəticədə otaqları su basıb, elektrik xətləri sıraddan çıxıb. Şəki-Zaqatala Regional Təhsil İdarəsindən bildirilib ki, əməkdaşların sürətli reaksiyası nəticəsində suyun texniki vasitələrə zərər verməsi əngəllənib, dam örtüyünün zədələnmiş hissəsi tez bir zamanda təmir edilib. \"Hazırda mərkəzdə bütün resurslar saz vəziyyətdədir və müəllimlərin sabah keçiriləcək sertifikatlaşdırma imtahanına hazırdır\" - deyə məlumatda qeyd olunub.

Qaxda da güclü külək və yağış fəsadlara səbəb olub. İri gövdəli ağaclar aşaraq yolları bağlayıb, elektrik və telefon xətlərini sıradan çıxarıb. Nəticədə şəhər ərazisində elektrik enerjisinin verilişində fasilələr yaranıb. Aidiyyəti qurumlar fəsadların aradan qaldırılması istiqamətində işlər aparıb.

Hadisə bu gün səhər saatlarında rayonun Qıpçax kəndində, kənd sakini 62 yaşlı Şəfayət Muradova məxsus evdə baş verib. Əraziyə Qax yanğından mühafizə hissəsinin üç yanğınsöndürən maşını və şəxsi heyyəti cəlb olunub. Ümumi sahəsi 132 kv/m, kürsülü, 5 otaqdan ibarət olan evin,100kv/m-i tamamilə yanıb. Evin bir otağı, həyətdəki mal tövləsi və yaxınlıqdakı tikililər yanğından mühafizə olunub. Xəsarət alan olmayıb. Yanğının səbəbi araşdırılır.