Bayramı ərəfəsində Şəkinin heyvan bazarında canlanma müşahidə olunur. Satıcılar bazarda canlanma olsa da, alıcılıq qabiliyyətinin zəifliyindən gileylənir. Alıcılar isə qiymətlərin baha olmasından şikayət edirlər. Belə ki, ötən illə müqayisədə qiymətdə 30-40 faiz artım var. Ən çox təlabat xırdabuynuzlu heyvanlara olub. Qeyd edək ki, Qurban bayramı günlərində, yəni 28-29 iyun tarixlərində Şəki şəhəri üzrə 1 kəsim məntəqəsində heyvan kəsiminin aparııması nəzərdə tutulur. Bununla bərabər Qurban bayramı günlərində Şəkinin heyvan bazarı da fəaliyyət göstərəcək. Kəsim məntəqəsi və Heyvan bazarı Qida təhlükəsizliyinin və Baytarlıq idarəsinin nümayəndələrinin nəzarəti altında olacaq.

Şəkidə avtoxuliqanlıq edən sürücü saxlanılıb. Şəki şəhər sakini Elmir Hacıyev ön dövlət nömrə nişanı olmadan idarə etdiyi “VAZ-2107” markalı avtomobil ilə intizamsızlıq edərək yol-hərəkəti qaydalarını kobud şəkildə pozub. Həmin şəxsi yol polisi əməkdaşları saxlayıb və avtonəqliyyat vasitəsi müvəqqəti duracağa yerləşdirilib. Məhkəmənin qərarı ilə Elmir Hacıyevin sürücülük hüququnun bir il müddətinə məhdudlaşdırılmaqla barəsində 500 manat məbləğində inzibati tənbeh tədbiri tətbiq olunub. Qeyd edək ki, həmin şəxsin son 1 il ərzində ayrı-ayrı vaxtlarda yol hərəkəti qaydalarını ümumilikdə 6 dəfə müxtəlif üsullarla pozduğu üçün inzibati məsuliyyətə cəlb edilib.

Daha öncə, iyunun 17-də Şəkinin Daşüz kəndinə yağan dolu nəticəsində 150-dən artıq evin damına ciddi zərər dəydiyi ilə bağlı məlumat vermişdik. Şəki rayon icra hakimiyyətində təbii fəlakətin fəsadların aradan qaldırılması məqsədilə komissiya yaradılıb. Doludan zərər görənlərə yardımlar edilir.

Dolu nəticəsində evlərinə ziyan dəymiş sakinlər ötən gün həmin fəsadların dərhal aradan qaldırılması üçün magistral yolu bağlamağa cəhd göstəriblər. Rayon İcra Hakimiyyətinin və Polis Şöbəsinin rəhbərliyi ərazidə sakinlərlə görüşüb, onlarla izahedici-profilaktiki söhbətlər aparıblar. Eyni zamanda Şəki Şəhər İcra Hakimiyyəti tərəfindən evlərinə daha ciddi ziyan dəymiş sakinlərə yağış sularından müvəqqəti olaraq qorunmaq üçün müvafiq material verilib. Bu gün isə dəymiş ziyanın aradan qaldırlması məqsədilə Fövqəladə Hallar Nazirliyi tərəfindən metal dam örtüklərinin paylanılmasına başlanılıb. Şəki Şəhər İcra Hakimiyyətinin rəsmisi 170 evin dam örtüyünün yararsız hala düşdüyünü və dəymiş ziyanın tam qarşılanacağını bildirib.

Qeyd edək ki, metal dam örtüklərinin paylanılması ən çox ziyan dəymiş evlərdən başlanılacaq. Mərhələli şəkildə qısa zamanda evlərin dam örtüyü tam dəyişdiriləcək...

 “Heydər Əliyev İli” ilə əlaqədar YAP Şamaxı rayon təşkilatı “Nə qədər ki, Azərbaycan var, məndə varam” mövzusunda tədbir keçirib. Tədbirdə Ulu Öndər Heydər Əliyevin həyat və fəaliyyətindən bəhs edən videoçarx izlənilib. Çıxış edənlər tarixi şəxsiyyət, görkəmli siyasi və dövlət xadimi Heydər Əliyevin Azərbaycan xalqının taleyində misilsiz rolundan danışıblar. Bildirilib ki, Azərbaycan tarixinin bütöv bir dövrü Heydər Əliyevin şərəfli adı və möhtəşəm fəaliyyəti ilə bağlıdır. Daha sonra rayonun ictimai-siyasi həyatında fəal iştirak edən partiya üzvlərinə Fəxri fərmanlar, YAP sıralarına yeni qoşulanlara üzvlük vəsiqələri təqdim olunub. Tədbir ədəbi-bədii proqramla yekunlaşıb.

Oğuz Rayon Polis Şöbəsinin əməkdaşlarının keçirdikləri “Xaş-xaş-2023” şərti adlı kompleks əməliyyat-axtarış və profilaktik tədbirlər nəticəsində rayon ərazisində yabanı halda bitən narkotik tərkibli bitkilər aşkar edilib. Bayan kəndi ərazisində yabanı halda bitən, ümumi çəkisi 4 ton 470 kiloqram olan 2650 ədəd çətənə kolu kökündən çıxarılıb və yandırılaraq məhv edilib.

Şəki Şəhər Rayon Polis Şöbəsinin əməkdaşlarının keçirdikləri “Xaş-xaş-2023” şərti adlı kompleks əməliyyat-axtarış və profilaktik tədbirlər nəticəsində yabanı halda bitmiş narkotik tərkibli bitkilər aşkar edilib. Keçirilən tədbir zamanı rayonun Çapağan kəndi ərazisində yabanı halda bitən, ümumi çəkisi 12 ton olan 16 000 ədəd çətənə kolu kökündən çıxarılıb və yandırılaraq məhv edilib.