Bu günləri bizə yaşadan qəhrəmanlarımızdan biri də Elyar Vəliyevdir. Xüsusi Təyinatlı Qüvvələrin tərkibində Vətən müharibəsində düşmənə qan udduran Elyar 4 il öncə bu gün şəhadətə yüksəlib...

Şəkidə “Yaşıl dünya naminə həmrəylik ili”nə həsr olunmuş silsilə tədbirlər davam edir. Şəki Şəhər İcra Hakimiyyətinin təşkilatçılığı növbəti ağacəkmə aksiyası keçirilib.

Şəki-Oğuz magistral avtomobil yolunun kənarlarında minə yaxın eldar şamı əkilib. “Yaşıl Dünya naminə həmrəylik ili” çərçivəsində payız mövsümündə rayon ərazisində yaşıllıqların artırılması məqsədilə 11 500 ədəd ağacın əkilməsi, həmçinin yaşıllıqlara qulluq və abadlıqla bağlı tədbirlərin davam etdirilməsi nəzərdə tutulur.

Ağacəkmə tədbirlərinin keçirilməsində məqsəd yaşıllıqların artırılmasını, ekoloji tarazlığın qorunmasını təşviq etməklə ətraf mühitin qorunması və sağlamlaşdırılmasına töhfə verməkdir.

Oğuz Rayon Polis Şöbəsinin əməkdaşları əməliyyat zamanı narkotik vasitələrin satışı ilə məşğul olan, əvvəllər də analoji əməlinə görə məhkum olunmuş Süleyman Dadaşlını saxlayıb.

Ondan 1 kiloqrama yaxın heroin aşkar olunub. Saxlanılan şəxs narkotik vasitəni şəxsiyyəti istintaqla araşdırılan şəxsdən satmaq məqsədilə aldığını bildirib.

Faktla bağlı cinayət işi başlanılıb, Süleyman Dadaşlı barəsində həbs qətimkan tədbiri seçilib. Araşdırmalar davam etdirilir.

Torpaqların azad edilməsi uğrunda döyüşlərdə canını qurban verən, qalib ordunun cəngavər əsgərlərini tanıtmaqda davam edirik.... Belə igid oğullardan biri də bugün doğum günü olan Bəxtiyar İdrisovdur.