Şəkidə Azərbaycanın xalq artisti, bəstəkar, “Şöhrət” ordeni laureatı, Şərqdə ilk opera yazan qadın Şəfiqə Axundovanın 100 illik yubileyinə həsr olunan "Şərqin nəğməkar qızı" sənədli filminin təqdimatı baş tutub.

Təqdimata tanınmış incəsənət xadimləri, Şəfiqə Axundovanın qohumları, Şəki ziyalıları toplaşıblar. Çıxış edənlər Şəfiqə Axundovanın həyat və yaradıcılığından danışıblar. Bildirilib ki, şəkili bəstəkar bizə kifayət qədər zəngin musiqi irsi qoyub gedib. O, 600-ə qədər mahnının müəllifidir.

Rəsmi hissədən sonra filmə ictimai baxış baxış olub. Tanınmış jurnalist Xatirə Əkbərovanın rejissoru olduğu filmdə Şəfiqə Axundovanın uşaqlıq, yeniyetməlik, gənclik, həmçinin yaşlı halı canlandırılıb. Bunun üçün də 4 fərqli personajdan istifadə olunub.

Həmçinin filmdə Azərbaycanın xalq artistləri Gülyaz və Gülyanaq Məmmədovalar da rol alıblar. Film tamaşaçılar tərəfindən alqışlarla qarşılanıb.

Şəkidə Kanal S televiziyasının hazırladığı, 19 yaşında şəhadətə yüksələn Bəxtiyar İdrisovun həyatından bəhs edən "Bəxtiyarım" filminin təqdimatı baş tutub. M.F.Axundov adına mədənoyyət mərkəzinin təşkilatçılığı ilə reallaşan təqdimat mərasimində şəhidin doğmaları, şəhid ailələri, müharibə iştirakçılatı, icra hakimiyyəti və şəhər ictimaiyyətinin nümayəndləri iştirak ediblər. Çıxış edənlər haqlı davada zəfər qazanan Azərbaycan ordusunun igid oğullarından, vətən uğrunda canından keçən qəhrəmanlardan danışılıb. Bildirilib ki, filmin hazırlanması məhz bu qəhrəmanlıq dastanlarının unudulmaması, təbliği və gələcək nəsillərə çatdırılması məqsədi daşıyır. Bədii hissədə qazilər və mədəniyyə mərkəzinin heyyətinin ifasında vətənpərvərlik ruhunda şeir, mahnılar ifa edilib. Sonra "Bəxtiyarım" sənədli filminə ictimai baxış olub. Hər kəsin göz yaşına səbəb olan film alqışlarla qarşılanıb.

Birinci Qarabağ müharibəsində itkin düşmüş hesab olunan, 31 ildən sonra dəfn yeri və kimliyi məlum olan şəhid Camal Quliyevin nəşi Şəki rayonuna gətirilib. Şəhidlə vida şəhidin yaxınlarının yaşadığı Cumakənddə baş tutub.

Mərasimdə şəhidin doğmaları, ictimaiyyət nümayəndələri, müharibə iştirakçıları və rayon sakinləri iştirak edib. Sonra Camal Quliyevin nəşi Laçın şəhərində yerləşən fəxri xiyabanda dəfn edilməsi üçün Laçına aparılıb. Tabutun büküldüyü üçrəngli bayraq onun doğmalarına təhvil verilib. Qeyd edək ki, Camal Quliyev 1969-ci ildə anadan olub.

"Şəki kuboku 2024" futbol turniri başa çatdı. Ümumilikdə 12 komandanın qatıldığı turnirin finalında "Qışlaq / Dağdibi" komandası ilə "Göynük" komandası qarşılaşıb. Gərgin mübarizə şəraitində keçən final qarşılaşmasının ilk hissəsi qolsuz bərabərliklə bitib. İkinci hissədə isə Göyünk komandası üstünlüyü ələ alıb. Oyun "Göynük" komandasının 2:1 hesablı qələbəsi ilə bitib. Oyunun sonunda qalib gələn komanda kubokla təltif olunub.

Oğuz Rayon Polis Şöbəsinə şəhər ərazisində yerləşən evlərin birindən oğurluq edilməsi barədə məlumat daxil olub. Zərərçəkmiş ona məxsus mobil telefonların yaşadığı ünvandan oğurlandığını bildirib. Həyata keçirilən tədbirlərlə əməli törətməkdə şübhəli bilinən paytaxt sakinləri - Ruslan Həziyev və Xanım Mövsümlü saxlanılıblar.

Araşdırmalar zamanı məlum olub ki, onlar zərərçəkmişin evində bir neçə gün qaldıqdan sonra mobil telefonları da götürərək həmin ünvandan xəbərsiz gediblər. Saxlanılan R.Həziyev ev sahibinə özünü xarici ölkə vətəndaşı kimi təqdim edib.Faktla bağlı cinayət işi başlanılıb, araşdırmalar davam etdirilir.

Qudula kəndi ərazisindən axan Əyriçayın daşması nəticəsində gələn sel səbəbindən kəndin ətraf ərazilərlə əlaqəsi hələ də məhdud olaraq qalır. Bələdiyyədən verilən məlumata görə kənddə 25 hektara yaxın fərdi təsərrüfat, eləcə də 30 hektar pay torpaqları su altında qalıb.

Bildirilib ki, su altında qalan yolda hərəkətin təmin olunması üçün Fövqəladə Hallar Nazirliyinin xüsusi texnikasının gəlməsi gözlənilir. Eyni zamanda mənzilləri Əyriçaya yaxın olan sakinlərin təhlükəsiz ərazilərə köçürülməsi istiqamətində iş aparılır.

Şəki Dövlət Dram Teatrında görkəmli yazıçı-dramaturq İlyas Əfəndiyevin “Sən həmişə mənimləsən və yaxud Boy çiçəyi” pyesi əsasında hazırlanan yeni tamaşaya ictimai baxış olub. Yazıçının anadan olmasının 110 illiyinə həsr olunan tamaşanın premyerası teatrın mövsüm bağlanışında teatrsevərlərə təqdim edilib. Elvin Nurinin quruluş verdiyi, tamaşada cərəyan edən hadisələr sanki keçmiş sovet dövründə deyil, bu gün baş verir. Məhz bu səbəbdən də rejissor böyük ustalıqla hadisələrin axarına güclü təsir etmədən, əsas mətləbdən uzaq düşmədən əsəri tamaşaçıya yeni bir formada təqdim edə bilib.

Bir neçə gündür yağan leysan yağışları nəticəsində Şəkinin bəzi kəndində sel suları fəsadlar törədib. Bideyiz və Aşağı Göynük kəndlərində sel suları ümumilikdə 7 km kəndarası yolları yararsız vəziyyətə salıb.

Qudula kəndi ərazisindən axan Əyriçay da daşıb. Nəticədə sel suları Qudula kəndini magistral yolla birləşdirən avtomobil yolunu yuyub. Hazırda Qudula kəndinin şəhər mərkəzi və ətraf kəndlərlə əlaqəsi kəsilib. Yolda hərəkət yalnız yük avtomobilləri və traktorlar vasitəsi ilə mümkündür.

Bundan başqa, sel suları kənddə bir neçə evin həyətyanı sahəsinə və şəxsi təsərrüfatlara da dolub. Fəsadların aradan qaldırılması istiqamətində aidiyyatı qurumlar iş aparır.