Super User

Super User

Bazar ertəsi, 12 May 2025 17:32

İtkin şəhidimizin xatirəsi anılıb

Şəkinin Böyük Dəhnə kəndində Birinci Qarabağ müharibəsi zamanı döyüşlərdə itkin düşmüş Eldar Seyidovun doğum günündə xatirəsi anılıb. Kəndin Şəhidlər Xiyabanında keçirilən tədbirdə şəhidin yaxınları, döyüş yoldaşları, şəhid ailələri və kənd camaatı iştirak edib. Əvvəlcə ruhuna dualar oxunub, xatirə lövhəsinin önünə gül dəstələri qoyulub. Daha sonra davam edən tədbirdə çıxış edənlər şəhidin şərəfli ömür yolundan, qəhrəmanlıqlarından bəhs ediblər. Qeyd edək ki, artıq 50 ildir nəşi tapılmayan Eldar Seyidov 1994-cü ildə, 19 yaşında Ağdərə rayonunun Qlobus yüksəkliyində itkin düşüb.

Bazar ertəsi, 12 May 2025 17:22

Güclü külək ciddi fəsada yol açıb

Şimal-qərb bölgəsində davam edən qeyri-sabit hava Qaxda ciddi fəsadlara yol açıb. Rayonun Qaxingiloy kəndində yağışla müşahidə olunan güclü külək kənd sakini, 71 yaşlı Varobyon Kulaşvilinin evinin dam örtüyünü qopardaraq qonşu həyətə atıb. Nəticədə onun evi ilə bərabar İradə Hacıyevanın da yeni təmir olunan evi ciddi zədələnib. Küləkdən sonra yağan leysan yağışı evə maddi ziyan vurub, yağış suları otaqlara dolub.

Şamaxıda “Konstitusiya və Suverenlik İli” çərçivəsində “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusunda tədbir keçilib. Əvvəlcə ümummilli Liderin həyat və fəaliyyətinə həsr olunmuş “Əbədiyyətin ilk əsri” adlı film nümayiş olunub. Ardınca çıxış edənlər müstəqil Azərbaycan dövlətinin hüquqi əsaslarının möhkəmləndirilməsi, demokratik cəmiyyətin formalaşdırılması və ilk Konstitusiyanın qəbulunun bilavasitə Ulu Öndər Heydər Əliyevin adı ilə bağlı olduğunu xüsusi vurğulayıblar. 1995-ci ildə qəbul olunan Konstitusiyanın ölkəmizin dövlətçilik tarixində mühüm mərhələ olmaqla, insan hüquq və azadlıqlarının təmin olunmasına, hüquqi və dünyəvi dövlətin qurulmasına zəmin yaratdığı bildirilib.

Ulu Öndər Heydər Əliyevin 102-ci ildönümü münasibətilə Zaqatalada ağacəkmə aksiyası keçirilib. İdarə, müəssiə rəhbərləri, ziyalılar və sadə vətəndaşların qatıldığı aksiya çərçivəsində Ulu Öndər Heydər Əliyevin adını daşıyan Mərkəzin ərazisində, Veteranlar bağında və digər yerlərdə müxtəlif çiçəklər, güllər, dekorativ və digər ağaclar əkilib.

“Konstitusiya və Suverenlik” ili çərçivəsində Balakəndə “Şimal-Qərbi Azərbaycan tarixi məsələləri” mövzusunda “elmi-praktiki konfrans keçirilib. Tədbirdə rayon rəsmiləri, elm xadimləri, ziyalılar və ictimaiyyət nümayəndələri iştirak ediblər.Əvvəlcə işrirakçılar akademik Yaqub Mahmudovun əsərlərindən və Tarix və Etnologiya İnstitutunun nəşr etdiyi, tariximizin müxtəlif dövrlərini əhatə edən kitablardan ibarət sərgi ilə tanış olublar.#kanals

Cümə axşamı, 08 May 2025 16:48

Türk dünyasının böyük söz ustadı

Şəkidə Türk dünyasının böyuk şairi, Bəxtiyar Vahabzadənin 100 illiyinə həsr olunan "Türk dünyasının böyük söz ustadı" adlı musiqili tədbir keçirilib. Şəki şəhər 4 nömrəli Uşaq Musiqi Məktəbi və Bəxtiyar Vahabzadənin ev muzeyinin birgə təşkilatçılığı ilə həyata keçirilən tədbirdə idarə və təşkilatların nümayəndələri, mədəniyyət işçiləri iştirak ediblər. Çıxış edənlər bildirib ki, Bəxtiyar Vahabzadə milli ruhun, azadlıq düşüncəsinin səsi olan, xalqını vətənin sevən bir sənətkardır. Onun şeirlərində həm sevgi, həm vətənpərvərlik, həm də həyat həqiqətləri var. Tədbirin bədii hissəsində Şəki şəhər 4 nömrəli Uşaq Musiqi Məktəbinin kollektivinin ifasında xalq şari Bəxtiyar Vahabzadənin sözlərinə bəstələnən "Nəğmələr", "Yağma yağış", Nə danışdın nə dindin" və digər mahnıları səsləndirilib.

174 -dən səhifə 693

Ünvan: Azərbaycan, Şəki, AZ5500, 20 yanvar küç. Qaynar xətt: +994 50 201 93 93 Tel.: +994 24 244 6875 Fax: +994 24 244 13 71 E-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.

© 2021 Copyright: KANAL S