Mədəniyyət Nazirliyi Respublika Xatirə Kitabı Redaksiyası -- bu gün Zaqatalada “ 44 gün- Tarixi zəfər” adlı kitabın 1, 2, və 3-cü cildlərinin təqdimat mərasimini keçirib. Tədbirdə rayon ziyalıları ilə yanaşı, şəhid ailələri və qazilər iştirak edib.

Şəkidə Azərbaycan Ordusunun qələbəsi ilə yekunlaşan 44 günlük Vətən müharibəsinin şəhidi Şahmar Soltanlı 28-ci doğum günündə anılıb. Əvvəlcə dəfn olunduğu xiyabanda şəhidin məzarı ziyarət olunub, önünə gül dəstələri qoyulub, əziz xatirəsinə dualar oxunub. Daha sonra tədbir şəhər 7 nömrəli tam orta məktəbdə davam edib. Şəhid ailələri, qazilər, müharibə iştirakçıları və ictimaiyyət nümayəndələrinin iştirak etidiyi tədbirdə şəhidin şərəfli ömür yolundan bəhs edən videoçarx nümayiş edilib.

Çıxış edənlər şəhid Şahmar Soltanlı ilə bağlı xatirələrinin bölüşüb, onun Vətən sevgisindən, müharibədə göstərdiyi igidlikdən qürurla bəhs ediblər. Daha sonra tədbir musiqiçilərin və şagirdlərin vətənpərvərlik ruhunda çıxışları ilə davam edib.

Zaqatalada vəzifə səlahiyyətlərindən sui-istifadə edilərək qanunsuz ağac kəsilməsi faktı ilə bağlı başlanmış cinayət işinin ibtidai istintaqı davam etdirilir. Bu barədə Baş Prokurorluq və Ekologiya və Təbii Sərvətlər Nazirliyinin birgə məlumatında deyilir.

Məlumata görə, ilkin istintaq-əməliyyat tədbirləri ilə Zaqatala-Danaçı-Aşağı Çardaxlar avtomobil yolu üzərində yerləşən 1100-dən çox ağacın təhlükəsizlik məqsədi ilə budanması işləri çərçivəsində sahibkarlıq fəaliyyəti ilə məşğul olan Muhuma Qudayevin başqa şəxsin adından “14 nömrəli Yol İstismarı” Məhdud Məsuliyyətli Cəmiyyətinin direktoru Rüstəm Paşayevlə bağlayaraq 15-16 fevral 2025-ci il tarixlərində həmin ərazidə ümumilikdə 140 ədəd ağacı qanunvericiliyə zidd formada, 7 saylı Regional Ekologiya və Təbii Sərvətlər İdarəsinin ekoloji tələblərinə riayət etmədən budayaraq zərər yetirməsinə əsaslı şübhələr müəyyən edilib.

Şəkidə Azərbaycanın xalq artisti, Prezident təqaüdçüsü, "İstiqlal" ordenli görkəmli xanəndə Əlibaba Məmmədovun "Vətən yaxşıdır" adlı xatirə gecəsi keçirilib. 4 nömrəli Uşaq Musiqi Məktəbinin təşkil etdiyi tədbirdə RMİ-nin rəsmiləri, şəhər içtimaiyyəti, şəhid ailələri, həmçinin xüsusi qonaq qismində şəhid Xudayar Yusifzadənin anası iştirak edib.

Çıxış edənlər bildirib ki, Əlibaba Məmmədovun Azərbaycan musiqisinin inkişafında xidmətləri əvəzsizdir. Onun bəstəkar kimi müəllifi olduğu mahnılarını muğam ifaçıları bu gün də sevərək ifa edirlər. Daha sonra tədbir Ə.Məmmədovun repertuarından "Bakı", "Mehriban həkim", Mənim Azərbaycanım", "Ana yurdum", "Xudayar" təsnifi, "Rast" muğamı və digər mahnılarının səsləndirilməsi ilə davam edib.

İsmayıllının Zərnava kəndinə gedib-gəlmək sakinlər üçün çətin sınağa çevrilib. Əsas səbəb isə kəndə aparan normal yolun olmamasıdır. Rayon mərkəzindən 30 kilometr uzaqda yerləşən kəndin sakinləri şəhərə çatmaq üçün ya çaydan keçməli, ya da dağa qalxıb Girdiman çayının üzərindəki uzunluğu 74 metr olan asma körpüdən istifadə etməlidirlər. Yolsuzluq səbəbindən sakinlər xeyli çətinlik çəkirlər. Bəs, yol nə vaxt çəkiləcək ? Sujeti izləyək...