Hadisə Zaqatala-Muxax-Yuxarı Çardaqlar avtomobil yolunda, Muxax kəndi ərazisində qeydə alınıb. 22 yaşlı Vüqar Musayevin idarə etdiyi “VAZ 2106” markalı minik avtomobili idarəetmədən çıxaraq yolun kənarındakı elektrik dirəyinə çırpılıb.

Xəsarət alan sürücü, avtomobildə olan sərnişinlər - 20 yaşlı Əfqan Mustafayev və 19 yaşlı Həmzə Hacıyev Zaqatala Rayon Mərkəzi Xəstəxanasına yerləşdiriliblər. Faktla bağlı Zaqatala rayon Polis Şöbəsində araşdırma aparılır.

116 saylı Qəbələ Dairə Seçki komissiyasında 59 məntəqə üzrə 54 min 297 nəfər qeydə alınıb. Bu gün dairə üzrə 254 nəfər ilk dəfə səs verir. Dairə üzrə 9 məntəqədə vebkamera quraşdırılıb. 177 nəfər namizədliyini irəli sürüb. Seçicilər onların arasında 96 bələdiyyə üzvünü seçib.

Zaqatala rayonunda 2 seçki dairəsi üzrə 91 seçki məntəqəsi fəaliyyət göstərir. Seçicilərin sayı 99 min 264 nəfərdir. 303 nəfəri isə 80 -100 yaş aralığında olan seçicilərdir. 15 məntəqədə vebkamera quraşdırılıb.

Şamaxı rayonunda 88 saylı dairə üzrə 56 seçki məntəqəsi fəaliyyət göstərir. Ümumilikdə seçicilərin sayı 51,102 nəfərdir, onlardan 288 nəfəri ilk dəfə səs verir.

Rayon üzrə bələdiyyə seçkilərində 171 nəfər namizədliyini irəli sürüb. Onlardan 90 nəfəri bələdiyyə üzvü seçiləcək. Məntəqəyə gəlmək imkanı olmayan seçicilər üçün səyyar qutular ayrılıb. Ümumilikdə dairənin 10 seçki məntəqəsində veb-kameralar quraşdırılıb.

Qax rayonunda da bələdiyyə seçkiləri üçün lazımi şərait yaradılıb. 113 saylı Qax-Şəki dairə seçki komissiyasından bildirilib ki, dairənin tərkibində 73 seçki məntəqəsi fəaliyyət göstərir. Bu məntəqələrdən 10-da veb-kameralar qurlaşdırılıb.

Bu günkü bələdiyyə seckilərində 54 673 seçici və 831 müşahidəçi qeydə alınıb. Bu il 324 nəfər bələdiyyə seçkilərində ilk dəfə olaraq səs verəcək. Qeyd edək ki, dairə üzrə 260 namizəd irəli sürülüb ki, onlardan 110 nəfəri seçiləcək.

Şəki rayonunda 4 seçki dairəsi üzrə 123 seçki məntəqəsi fəaliyyət göstərir. 29 məntəqədə vebkamera quraşdırılıb. Şəki rayonu üzrə seçicilərin umumi sayı 124 031 nəfərdir. Rayon üzrə 17 bələdiyyəyə seçkilərdə 318 nəfərin namizədliyi qeydə alınıb, onlardan 195 nəfər bələdiyyə üzvü seçiləcək. Seçkiləri 1247 nəfər müşahidəçi izləyib.