Şamaxıda ağır yol qəzası baş verib. Bu gün saat 13:00 radələrində Göyçay rayon sakini, 24 yaşlı Fuad Cabbarov idarə etdiyi "Mercedes" markalı minik avtomobili ilə hərəkətdə olarkən yolu keçmək istəyən 45 yaşlı Kəmalə Rəfiyeva və onun 17 yaşlı qızı Leyla Rəfizadəni vurub. Hadisə Şamaxı Rayon Mərkəzi Xəstəxanasının qarşısında qeydə alınıb. Ağır yaralanan ana və qızı ətrafdakı sakinlərin köməkliyi ilə dərhal xəstəxanaya çatdırılıb. Hər iki yaralının vəziyyəti ağır qiymətləndirilir.

Qəbələ Beynəlxalq Musiqi Festivalına start verilib. Bir həftə ərzində Qəbələ müxtəlif ölkələrdən gələn tanınmış ifaçıların, gənc istedadların, musiqi kollektivlərinin bir araya toplandığı musiqi səhnəsinə çevriləcək. Üzeyir Hacıbəylinin 140 illik yubileyinə təsadüf edən XIV Qəbələ Beynəlxalq Musiqi Festivalının təntənəli açılışı Üzeyir bəyin “Cəngi” əsəri ilə başlayıb.

Ötən gün Dövlət İmtahan Mərkəzi I və IV ixtisas üzrə iyulun 13 iyuldə keçirilmiş qəbul imtahanının nəticəsini elan etdi. İmtahanda 2 nəfər - Bakı şəhəri 272 saylı orta məktəbin məzunu Sona Nurməmmədli və Şəkinin Orta Zəyzid kənd 1 saylı orta məktəbinin məzunu Orxan Abdulsəmədli IV ixtisas qrupu üzrə maksimum nəticəni göstərib. Əməkdaşlarımız Orxanla həmsöhbət olub, təəssüratlarının və uğurun sirrini öyrəniblər.

Avtomobil piyadanı vuraraq öldürüb, daha sonra mağazaya çırpılıb...