Təhsildə İnkişaf və İnnovasiyalar üzrə Vİ qrant müsabiqəsi qalibi olan “Yenilənən məktəb modelləri üçün müəllimin aktiv öyrənmə strategiyası “adlı layihənin Şamaxı rayon Sabir qəsəbə tam orta məktəbində əyani təlimlərinə start verilib. Layihənin təlimlərinə Şamaxı rayonu üzrə 42 müəllim cəlb olunub. Təlimçilər Türkiyənin MEF Universiteti ilə ADPU nun müəllimləri dəvət olunub. İlk olaraq layihə müdavimlərinə Mef universitetinin professor müəllim heyəti onlayn olaraq 12 təlim veriblər. Daha sonra Azərbaycan Dövlət Pedaqoji Universitetinin müəllimləri Sabir qəsəbə tam orta məktəbinə dəvət edilərək əyani olaraq 4 modul üzrə aparılan təlimlərə başlayıblar. Qeyd olunub ki, bu tip təlimlərin region müəllimləri üçün davamlı aparılması müəllim fəaliyyətini daha da aktivləşdirir, şagirdlərin daha səmərəli və sərbəst öyrənməsini təmin edir. Qeyd edək ki,təlimi ugurla bitirən müəllimlər sertifikatla təltif olunacaq.

 Şəki Dövlət Dram Teatrında şəhid və qazi övladları üçün yeni il şənliyi təşkil olunub. Rayon İcra hakimiyyətinin təşkilatçılığı ilə baş tutan tədbirdə idarə və təşkilatların nümayəndələri, şəhid və qazi övladları iştirak ediblər. Tədbirdə Həmrəylik gününün xalqımızın birliyinin simvolu olduğu vurğulanıb.

Qeyd olunub ki, belə tədbirlərin keçirilməsində əsas məqsəd canlarını torpaq uğrunda qurban verən şəhidlərimizin övladlarına diqqətdir. Dram Teatrın gənc heyəti tərəfindən "Əsl Şaxta baba" tamaşası körpələr üçün nümayiş olunub. Şaxta baba və Qarqızın yeni il şənliyinə gəlişi uşaqlar tərəfindən böyük coşquyla qarşılanıb. Ardınca uşaqlara bayram hədiyyəsi təqdim edilib. 

Şəkidə Milli Karate federasiyasının "Şuşa ili"nə həsr olunan açıq birinciliyi baş tutub. Yarışda Şəki rayonundan olan 6 yaşdan 17 yaşadək olan 55 nəfər gənc karateçi fəxri yerlər uğrunda mübarizə aparıb. Bildirilib ki, birincilikdə fərqlənən idmançılar gələn ay Bakıda keçirələcək "20 Yanvar" şəhidlərinin xatirəsinə həsr olunan karate üzrə beynəlxalq turnirdə Şəki karate yığma komandasının tərkibində iştirak etmək hüququ qazanacaqlar. Yarışın sonunda fəxri yerlərə laiq görülən idmançılar və onların məşqçiləri medallar, diplomlarla təltif ediliblər.

Şəkinin Qoxmuq kəndində Azərbaycanın ərazi bütövlüyü uğrunda canından keçən qəhrəmanlardan biri olan Taleh Daşdəmirovun anım tədbiri təşkil edilib. Tədbirdə şəhidin yaxınları, kənd sakinləri, döyüş yoldaşları və icra hakimiyyətinin nümayəndələri iştirak ediblər. Çıxış edənlər Talehin qorxmazlığından igidliyindən, qayğıkeşliyindən danışıblar. Vətən müharibəsinə könüllü yollanan Taleh döyüşlərdə cəsarəti, şücaəti ilə fərqlənib, döyüş yoldaşlarının rəğbətini qazanıb. Müharibə zamanı anasına zəng edərək "Şuşanı azad etməyə gedirəm" deyən Taleh arzusuna çatır. Şuşada gedən qızğın döyüşlərdə iştirak edərək, noyabrın 8-də şəhadətə yüksəlir, uzun müddət nəşi tapılmır. Taleh Daşdəmirov 25 dekabrda ata-baba yurdunda torpağa tapşırılıb.

Rəsmlərini Qobustan qayalarında,özlərini isə cizgi filmlərində gördüyümüz Qafqaz Zubrlarını indi real həyatda da görmək mümkündür. Bunun üçün isə Şahdağ Milli parkına üz tutmaq kifayətdir. Şahdağ Milli parkı həm Azərbaycan, həm də Cənubi Qafqazda ən böyük milli parkdır. Ölkənin 6 inzibati rayonunun ərazisində yerləşir. Budur, IDEA İctimai Birliyi, Ekologiya və Təbii Sərvətlər Nazirliyi, Ümumdünya Vəhşi Təbiəti Mühafizə Fondunun Azərbaycan nümayəndəliyinin təşkilatçılığı ilə ölkəmizə, gətirilən zubrlar. Şimali Qafqazda sonuncu zubr XX əsrin əvvəllərində öldürülsə də , Cənubi Qafqazda isə onların nəsli daha əvvəl kəsilib. Zubrlar vaxtilə Avrasiyada çox geniş yayılsa da, ötən əsrin əvvəllərində vəhşi təbiətdə nəsli kəsilmək üzrə olub. Qafqaz zubrı kimi tarixdə iz buraxan bu heyvanlar iqlim dəyişdikcə ovçu hücümlarına məruz qaldıqdan sonra bölgənin nadir heyvanına çevrilib. Şahdağ Milli Parkının İsmayıllı bölməsi üzrə sahə müfəttişi bildirir ki, reintroduksiya layihələri Azərbaycanda 2010-cu ildən fəaliyyətə başlasa da zubrların gətirilməsinin tarixi çox da uzağa getmir. Sinxron-titr Şahdağ Milli Parkının İsmayıllı bölməsi üzrə sahə müfəttişi Rafayıl Musayev “2019-cu ilə qədər layihə çərçivəsində onların adaptasiyası üçün valyerlərin tikilməsi və digər infrastrukturun hazır olması istiqamətində hazırlıq işləri getmişdir. 2019-cu ildən artıq zubrlar ölkə ərazimizə gətirilməyə başladı. İlk olaraq 2019-cu ilin may ayında səkkiz baş bir və dörd baş bir olmaqla cəmi 12 baş zubr gətirilmişdir və gətirilib onların Şahdağ Milli Parkının İsmayıllı bölməsində onlar üçün nəzərdə tutulmuş adaptasiya ərazisinə buraxılmışdır. Adaptasiya ərazisində zubrların qalma müddəti təxmini üç ay nəzərdə tutulur. Üç ayda mərhələli şəkildə adaptasiya ərazisində üç ay müddətində mərhələli şəkildə qalırlar. Üç aydan sonra zubrlar artıq onlar üçün nəzərdə tutulmuş 300 hektar daha böyük əraziyə buraxılır.Adaptasiyasını uğurla keçdikdən sonra Milli Parkın İsmayıllı bölməsi üzrə açıq əraziyə buraxılır. Hazırda parkın İsmayıllı bölməsi üzrə açıq ərazisində adaptasiya dövrünü tamamlayan 14 baş zubr var. Daha 17 zubr isə 300 hektar ərazidə adaptasiya mərhələsini keçir. Noyabrın 23-də yeni gətirilən 10 baş zubr da var ki, onlar hələ valyerlərdə - nəzarət altında saxlanılır. Normal adaptasiya dövrü keçirən bu canlılar yemləmə ilə də təmin olunur. 2019-cu ildən bu günə qədər 8 baş artım olduğuna diqqət çəkən Şahdağ Milli Parkı İsmayıllı bölməsinin rəsmisi deyir ki, Milli Parkın ərazisində ayı, canavar və digər yırtıcı heyvanlar da var, amma onlar zubrlar üçün real təhlükə sayılmır. Bizonlarla Zubrların fərqinə gəlincə isə... sinxron-titr Şahdağ Milli Parkı İsmayıllı bölməsinin direktor müavini Cəlil Rzazadə “onlar adətən sürü halında gəzirlər, ona görə də onların vəhşi heyvanların müdafiə sistemi deyir ki, tam sürü halında gəzdikləri üçün ona uyğundur və vəhşi heyvanlar onlara hücum edə bilmirlər. adətən sürüdə daha yaşlı erkək fərdlər, dişi fərdlər, sürünün bu barədə elə bil ki, daha doğrusu bilən, yəni baş aparan, onları ərazidə və yaxud da digər yerlərdə əsas sürünün baş aparan yaşlı fərdlər və yaşlı erkək fərdlər və yaşlı dişi fərdlər sürü özü birgə formada həmin vəhşi heyvanların müdaxiləsindən Birlikdə qorunur. zubr və bizonlar ümumi fərqli heyvan növləridir. Onların ölçülərində də çox böyük fərqlər var. Həm onların bədən quruluşların da ölçülərində də fərqliliklər var. Bizdəki adətən zubrdu. Yəni bizonlar ümumiyyətlə, Azərbaycanın təbiətinə xas olmayan bir heyvan növüdür, bu regionda heç vaxt yaşamayıb. Amma zubrlar tarixən bu regionlarda yaşayıb, amma nəsli kəsilib. Təkrardan, yəni Azərbaycan təbiətinə qaytarmaqdan ötrü bu layihəni reallaşdırırıq. Layihənin 2028-ci ilə qədər davam etdirilməsi və zubrların sayının 100 başa çatdırılması nəzərdə tutulur. Şahdağ Milli Parkının isə qapıları turistlərin üzünə açıqdır. Bu maraqlı canlıları görmək istəyənlər Buynuz kəndindən keçməklə parkın İsmayıllı bölməsinə yaxınlaşa bilərlər. Müharibə iştirakçıları, məktəbli və müəllimlərə parka giriş pulsuzdur. Xatırladaq ki,ümumi ərazisi 130 508 hektar olan Şahdağ Milli Parkının 44 min hektarı İsmayıllı bölməsinin payına düşür.