Şəkililər su-kanalizasiya layihəsi çərçivəsində qazılan yolların nəhayət ki, təmir edilməyə başlanacağına sevinsə də bu sevincləri uzun çəkmədi. Yenilənmə işləri çərçivəsində üst asfalt örtüyü götürülən küçələrdə işlər bir müddətdir ki, dayandırılıb. Bu isə hərəkət iştirakçılarının çətinliyini bir az da artırıb.

Bəs, yol örtüyünün yenilənməsi prosesinin bu qədər uzanması normaldırmı? Ekspertlər hesab edir ki, yol infrastrukturu ilə bağlı qaydalara əsasən proses çox qısa müddətdə başa çatmalı idi. Şəhərin mərkəzi küçələrində bərpa işlərinin nə zaman yekunlaşacağı ilə bağlı sorğumuza cavab olaraq rayon icra hakimiyyətindən bildirildi ki, tezliklə asfaltlanma işlərinə başlanılacaq.

Qeyd edək ki, ilk olaraq Sabit Rəhman, Heydər Əliyev prospekti, M. Rəsulzadə küçələrinin asfalt örtüyünün yenilənəcəyi planlaşdırılır.

Həftə içi 5 gün səhər saat 10:00-dan 12:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.