Şamaxının Mədrəsə qəsəbəsinin sakinləri su və yol problemindən əziyyət çəkirlər.2500-dən çox sakinin məskunlaşdığı qəsəbənin nə yolu, nə də suyu var. Qaynar xəttimizə gələn zənglərin sorağı ilə əməkdaşımız Cavanşir Seyfəddinoğlu həmin əraziyə yollanıb, sakinlərin problemlərini işıqlandırmağa çalışıb, izləyək...

44 günlük Vətən müharibəsinin qəhrəman şəhidi Səbuhi İsgəndərlinin anım tədbiri keçirilib. Əvvəlcə şəhidin məzarı ziyarət olunub, gül dəstələri qoyulub, ruhuna dualar oxunub. Ardınca çıxış edənlər Vətənimizin ərazi bütövlüyü, müstəqilliyi uğrunda qəhrəmanlıq göstərərək canlarını fəda edən igid oğullarımızın xatirəsinin hər zaman əziz tutulacağını vurğulayıblar.

Səbuhinin qısa, lakin şərəfli ömrünün gələcək nəsillərin vətənpərvər tərbiyəsində xüsusi əhəmiyyət daşıdığı qeyd edilib.

Vətən müharibəsində qəhrəmancasına vuruşaraq, şəhidlik zirvəsinə yüksələn Fariz Şıxaliyevin də anım günü məzarı başında qeyd edilib. Şəhidimizin xatirəsi ehtiramla anılıb.

Çıxış edənlər Vətən müharibəsi zamanı Füzuli, Cəbrayıl, Xocavənd , Qubadlı və Zəngilanın azadlığı uğrunda gedən döyüşlərdə iştirak edən Fariz Şıxaliyevin döyüş yolundan, göstərdiyi qəhrəmanlıqlardan qürurla danışıblar.

Bəli, xüsusilə də bu mövsümdə göbələkdən zəhərlənmə halları tez-tez baş verir. Göbələk əsasən Şimal və Şimal-Qərb rayonlarında daha çox istehlak edilir.

Bu bölgənin sakinləri əksər hallardan meşələrdən yığdıqları göbələkləri istehlak edirlər ki, nəticədə zəhərlənmə, hətta bu səbəbdən ölüm halları da artır.

Növbəti sujetdə göbələk sevənlərin diqqət etməsi vacib olan məqamlara toxunulub.

Qəbələdə yol qəzası olub. Ağdaş-Zarağan avtomobil yolunun Qəbələ rayonunun Soltannuxa kəndi ərazisindən keçən hissəsində Ruslan Cabbarov idarə etdiyi “Mercedes” markalı avtomobillə yolu keçən piyada, 27 yaşlı Nurlan Abbasəliyevi vurub. Piyada aldığı xəsarətlərdən ölüb. Faktla bağlı cinayət işi başlanılıb, araşdırmalar davam etdirilir.