Şəki şəhər 8 nömrəli Beynəlminəl tam orta məktəbdə Ulu Öndər Heydər Əliyevin 100 illik yubileyi , 28 May Müstəqillik günü və 1 iyun uşaqların Beynəlxalq Müdafiəsi gününə həsr edilmiş tədbir keçirilib. Tədbirdə məktəbin müəllim-şagird kollektivi ilə yanaşı, Şəki-Zaqatala Regional Təhsil idarəsinin rəsmiləri, Azərbaycan Təhsil işçilərinin Azad Həmkarlar İttifaqının üzvləri və valideynlər iştirak ediblər. Çıxış edənlər, ümummilli Lider Heydər Əliyev milli dövlətçilik ideyalarını hər şeydən üstün tutub. Diqqətə çatdırılıb ki, Ulu Öndər Heydər Əliyev öz parlaq zəkası və istedadı sayəsində yeni Azərbaycanı, onun bugünkü gerçəkliklərini yaradıb və gələcəyə aparan yolları müəyyən edib. Tədbirin bədii hissəsində şagirdlərin ifasında şeirlər, musiqi nümunələri səsləndirilib. Məktəbin bədii özfəaliyyət kollektivlərinin tarixi şəxsiyyətlərlə bağlı hazırladıqları kiçik səhnələr, ifa edilən milli musiqilər iştirakçılar tərəfindən rəğbətlə qarşılanıb. Ardınca məktəbdə dərs deyən müəllimlərin əl işləri də nümayiş edilib. Sonda məktəbin məktəbin fəaliyyətlərində fəal iştirak etdiklərinə görə bir neçə müəllimə fəxri fərmanlar təqdim edilib. #kanals#xəbər#tədbir

Şəki şəhər Rəşid bəy Əfəndiyev adına 10 nömrəli tam orta məktəbin 125 illik yubileyinə hər olunmuş ədəbi-bədii gecə keçirilib. Şəki Dövlət Dram Teatrında keçirilən tədbirdə rayon rəsmiləri, millət vəkili, təhsil ictimaiyyyəti, qazilər, təhsil ocağının məzunları və digər qonaqlar iştirak ediblər. Əvvəlcə məktəbin 125 illiyinə həsr olunmuş foto-stendllər və şagirdlərin əl işlərindən ibarət sərgi ilə tanışlıq olub. Ardınca keçirilən tədbirdə çıxış edənlər təhsil ocağının yaranma tarixi, keçdiyi yol və qazandığı uğurlar barədə danışıblar. Təhsilin Azərbaycanın dövlət siyasətinin prioritetlərindən biri olduğu, Ulu Öndər Heydər Əliyevin ölkəyə rəhbərlik etdiyi bütün dövrlərdə təhsilin inkişafına böyük diqqət yetirildiyi xüsusi vurğulanıb. Sonra məktəbin tarixini və keçdiyi yolu əks etdirən videoçarx nümayiş etdirilib. Yubiley tədbiri şagirdlərin ifasında maraqlı konsert proqramı, ədəbi-bədii kompozisiyalarla davam edib. Sonda gənc nəslin təlim-tərbiyəsi sahəsində uzun illər səmərəli pedaqoji fəaliyyətinə görə məktəbin direktoru Büllur Abdulsəlimli, eləcə də də bir qrup müəllim və təhsildə fərqlənən şagirdlərə Şəki Şəhər İcra Hakimiyyətinin və Regional Təhsil İdarəsinin fəxri fərman və hədiyyələri təqdim olunub. #kanals#xəbər#məktəb

İsmayıllıda ana və övladını avtomobil vurub. Basqal kənd sakini Əşrəf Babayev idarə etdiyi 1 \"Mercedes\" markalı minik avtomobili hərəkətdə olan zaman yolu keçən 39 yaşlı Mətanət Həmidova və 10 yaşlı qızını vurub. Yaralanan ana və qızı müxtəlif dərəcəli bədən xəsarətləri ilə rayon mərkəzi xəstəxanasına çatdırılıblar. Hazırda vəziyyətləri stabildir. Faktla bağlı araşdırma aparılır.

\"Şəki City\" böyük futbol arenasının yeni adlarındandır. Şəki rayonu hələlik Region liqasında təmsil olunur. Cari mövsümdə rayonun mübarizəyə qatılan iki komandasından biri olan yenicə yaranmış \"Şəki City\"  klubu yarım final mərhələsinə qədər yüksəlməyi bacarıb. Müsahibimiz deyir ki, Şəki sity komandasının yaranmasında əsas məqsəd şəkili gənc istedadları ölkə futboluna qazandırmaqdır. Komandanın oyunlarına Şəkidə maraq da böyükdür. Yerli fanatlar da komandanın oyunlarında əla performans göstərir və müxtəlif şüarlarla “silahlanmış” publika mənzərəli yerdə yerləşən stadionda gözəl abu-hava yarada bilirlər. Oyun başlamadan öncə stadionu dolduran azarkeşlər 90 dəqiqə ərzində dayanmır, doğma komandalarını qələbəyə səsləyirlər. Klub rəhbəri Elgun Hüseynov deyir ki, mövsümün əvvəlində yaradılan komanda bütün çətinliklərə baxmayaraq məhz fanatlarının dəstəyi ilə uğurla çıxış etməkdə davam edir. Ancaq maliyyə çətinlikləri klubun inkişafı qarşısında ən böyük çətinlik olmaqla yanaşı onun komanda kimi varlığını da sual altında qoyur. Klub rəsmiləri Şəki sakinlərinə, imkanlı şəxslərə müraciət edərək onları komandaya dəstək olmağa çağırıblar. O əmindir ki, yetərli dərəcədə dəstək komandanın mövcud problemlərinin həllinə, klubun inkişafına səbəb olar, Şəkinin doğma komandası qısa bir zamanda böyük futbol arenasında öz yerini tutacaqdır. 

Şəkinin Zunud kənd sakinini ilan vurması ilə bağlı məlumat vermişdik. Həmin sakinin vəziyyəti hazırda ağır olaraq qalır. Ailəsi iddia edir ki, zərdab anında vurulsaydı vəziyyət bu həddə çatmazdı. Bu iddia elə bu sahədəki boşluqları da gündəmə gətirir. Kəndlərdə tibb məntəqələri niyə var ?! Adi bir zərdabı, vaksini vurmaq ixtiyarında deyillərsə bu məntəqələr niyə fəaliyyət göstərir? Baxımsız, əksəriyyəti qəzalı vəziyyətdə olan bu cür məntəqələrin fəaliyyəti ilə bağlı niyə tədbirlər görülmür? Sujeti izləyək, görək cavab tapa biləcəyikmi? Kəndlərdə yaşayan insanlar, xüsusilə də şəhər mərkəzindən kilometrlərlə uzaqda yerləşən kəndlərin sakinləri ilkin tibbi yardım üçün tibb məntəqələrində dərman tapmaq problemi ilə qarşılaşırlar. Daha böyük problem isə məntəqələrdə ilan zəhərinə və ya hər hansı heyvan hücumuna qarşı zərdab, vaksinin olmamasıdır. Hansı ki, bu hadisələr kəndlərdə vaxtaşırı yaşanır. Nəticədə hər hansı heyvan hücumuna məruz qalan şəxs məcbur olub rayon mərkəzindəki xəstəxanaya aparılır. Əgər kənd mərkəzdən uzaqdırsa vay o xəstənin halına... Məntəqələrdə dərman preparatlarının tapılmaması bir tərəfə, əksəriyyət kəndlərdə tibb mətəqələri 21-ci əsrin səhiyyəsi ilə müqayisə edildikdə xeyli geridə qalır. Qəzalı vəziyyətdə, ciddi təmirə ehtiyacı olan binalara xəstələr müraciət edərkən öz canından ikiqat ehtiyyat edir. Daha bir problem isə nəzarət olmadığından məntəqələrdə işçilərin tapılmamasıdır. Elə Zunud kəndində olduğu kimi... Məsələ ilə bağlı TƏBİB-dən isə bildirildi ki, ... Beləliklə, TƏBİB rəsmisinin açıqlamasına inansaq, deməli tibb məntəqələri yetərincə tibbi avadanlıqlarla, preparatlarla təmin olunub və fəaliyyətləri də normaldır. Ancaq bizim gördüklərimiz, sakinlərin və hətta tibb məntəqələrində çalışanların dedikləri isə bütün bunlarla üst-üstə düşmür. Hər halda söhbət insan həyatından gedirsə bu sahədə yaranan boşluqlar ciddi nəzarətə götürülməlidir #kanals#xəbər#təbib#tibb

Qəbələdə ağır yol-nəqliyyat hadisəsi baş verib. Hadisə İsmayıllı-Qəbələ avtomobil yolunda, Qəbələnin Nohurqışlaq kəndi ərazisində qeydə alınıb. Şəki-Bakı marşrutu ilə hərəkət edən mikroavtobusun minik maşını ilə toqquşması nəticəsində 20 nəfər xəsarət alıb. Xəsarət alanlar Qəbələ Diaqnostika Mərkəzinə yerləşdirilib. Onların hər birinə zəruri tibbi xidmətlər göstərilib. Vəziyyətləri qənaətbəxş hesab olunan 9 nəfər ambulator müalicə üçün evə buraxılıb. Hazırda tibb müəssisəsinin Reanimasiya şöbəsində vəziyyəti ağır olan 3 nəfərin, Təcili tibbi yardım şöbəsində isə vəziyyətləri stabil olan 8 nəfərin müalicələri davam etdirilir. Faktla bağlı araşdırma aparılır. #kanals#xəbər#qəza#qəbələ