Balakən Rayon Gənclər evində Atalar Məktəbi - Məsuliyyətli Atalığa Doğru layihəsi çərçivəsində gənc atalar və ata olmağa hazırlaşan gənclərlə görüş keşirilib. Layihənin əsas məqsədi Gənc ataları və ata olmağa hazırlaşan şəxsləri övladlarının inkişafı prosesində fəal iştiraka cəlb etməklə ailələrdə oturuşmuş gender-əsaslı stereotipik davranış normalarının dəyişdirilməsinə töhfə verməkdən ibarətdir. Layihə müddətində gender bərabərliyinin təmin olunmasında ataların rolu, gənc ata və ata olmağa hazırlaşan şəxslərin maarifləndirilməsi ilə gender əsaslı cins seçimi və digər zərərli təcrübələrlə mübarizə, məsuliyyətli atalığın düzgün aşılanmasını təmin etmək üçün təlim metodologiyalarının hazırlanması üzrə bilik, bacarıq və məlumatlılığının artırılması məqsədilə seminarlar keçiriləcək. 5 həftə olmaqla ümumilikdə altı ay davam edəcək. Avropa İttifaqının dəstəyi ilə həyata keçirilən layihə “Cənubi Qafqazda gender əsaslı cins seçimi və aidiyyəti zərərli təcrübələrin aradan qaldırılması” proqramı çərçivəsində BMT-nin Əhali Fondu , Əmək və Əhalinin Sosial Müdafiəsi Nazirliyi, Gənclər və İdman Nazirliyi və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə Azərbaycan Maarifçilər Assosiasiyası tərəfindən icra olunur.

Qaxda bir neçə gün öncə itkin düşən 70 yaşlı kişinin bu gün səhər saatlarında meyiti tapılıb. Rayon sakini Davud Yusifovun cansız bədəni Kürmük çayı yaxınlığında aşkar edilib. Meyitin üzərində yanıq xəsarətləri olub. Fakt üzrə Qax rayon prokurorluğunda araşdırma başlanılıb. Qeyd edək ki, 70 yaşlı Davud Yusifov mayın 25-i yaşadığı evdən çıxıb, geri qayıtmayıb. #kanals#xəbər#qax#hadisə

Abone OL: https://goo.gl/W99fFm Copyright © Kanal S_official Sayt: https://kanal-s.az Facebook: https://goo.gl/XVhVzG Şəkidə günün istənilən saatında insanların ən çox hərəkət etdiyi mərkəzi küçələrdə itlərin sürü halında gəzdiklərini müşahidə etmək olar. Son zamanlar itlərin insanlara hücum faktları da artmağa başlayıb. Təkcə 2023-cü ilin yanvarından bu yana Şəkidə 370 nəfər rayon xəstəxanasına itdişləməsi ilə bağlı müraciət edib. Mayın əvvəlində Cəlilabadda 11 yaşlı qızın it dişləməsindən ölməsi isəinsanları daha çox narahat edib. Əksər rayonların əsas probleminə çevrilən bu məsələnin həlli ilə bağlı isə demək olar heç bir ciddi addım atılmır. Aidiyyatı qurumlar ancaq masa arxasında müzakirə etməklə kifayətlənir və heç bir fəaliyyət istiqaməti seçilmir. Problemə müdaxiləsiz keçən hər gün isə sahibsiz, ac və susuz şəhərdə dolaşan itlərin və hücumlarının daha da artmasına səbəb olur. Şəkidə sahibsiz itlər sakinlər, xüsusən də azyaşlılar üçün ciddi təhlükə mənbəyinə çevrilib. Tez-tez sahibsiz itlərin ətrafdakı insanlara hücum etməsi insanlarda təşviş yaradıb. Çünki bu cür itlər quduzluq və digər yoluxucu xəstəliklərin daşıyıcısı ola bilər. Küçədəki canlıları sevən, onların qayğısına qalanlar da az deyil. Ancaq bu itlərin quduz olma ehtimalı insanları onlardan çəkinməyə vadar edir. Son zamanlar it dişləmələri ilə bağlı faktlar durmadan artsa da aidiyyatı qurumlar problemin həll olunması istiqamətində heç bir addım atmır. Rayonun baytar həkimi problemin qarşısını qismən də olsa almaq üçün müxtəlif ərazilərə aldadıcı yemlər paylanıldığını bildirir. Şəki Şəhər İcra Hakimiyyətindən isə şifahi olaraq bildirildi ki, bu problemin həlli istiqamətində müəyyən təkliflər hazırlanıb və aidiyyəti dövlət orqanları ilə məsləhətləşmələr aparılıb. Ekspertlər hesab edir ki, problemin qarşısını almaq üçün tək sığınacaqların yaradılması yetərli deyil. Bunun üçün xarici ölkə təcrübəsindən yararlanmaq və məsələni kükndən həll etmək lazımdır. Qeyd edək ki, 2023-cü ilin cari dövrü ərzində 3223 nəfər heyvan hücumuna məruz qalıb. Bunlardan 2676-sı it dişləmələridir. Heyvan dişləməsi nəticəsində 2 quduzluq hadisəsi baş verib. Bir nəfərsə həyatını itirib...

İntensiv yağıntılar nəticəsində İsmayıllı-Lahıc-Burovdal avtomobil yolunun 17-ci kilometrində yolun hərəkət hissəsinə tökülən qaya parçaları səbəbindən Lahıc kəndi ilə nəqliyyat əlaqəsi kəsilib. Səhər saatlarından sözügedən yolun açılması üçün əraziyə ağır texnika və canlı qüvvə cəlb olunub. Yolun hərəkət hissəsinə tökülən qaya parçaları və lil qatı təmizlənib. Hazırda yol hər iki istiqamətə açıqdır. Bundan əlavə, rayonun elektrik və qaz təchizatına ziyan dəyib. Eelektrik enerjisinin verilişində fasilələr yaranıb. Təbii fəlakət rayonun Aşıqbayram kənd tam orta məktəbinin dam örtüyünün uçmasına da səbəb olub. Şəhərin elektrik enerjisi, rabitə və qaz təchizatı tam təmin edilib. Küçə və prospektlərə aşan ağaclar təmizlənib. Təbii fəlakət nəticəsində rayona dəymiş ziyan fövqəladə hallar komissiyası tərəfindən hesablanır.

Rayon Polis İdarəsinə Məhəmməd Abdullayev adlı şəxsin həyətində narkotik plantasiyası salması barədə əməliyyat məlumatı daxil olub. Həmin ünvan dərhal nəzarətə götürülüb. Məhəmməd Abdullayev saxlanılıb. Axtarış zamanı onun evindən çəkisi 248 kiloqram olan 350 çətənə kolu, eləcə də 2 kiloqramdan artıq qurudulan marixuana tapılıb. Araşdırma zamanı məlum olub ki, adıçəkilən şəxs narkotik tərkibli bitkilərin toxumlarını qohumu Məzahir Soltanov adlı şəxsdən alıb. Məqsədi çətənə bitkilərini satıb varlanmaq olub. Qeyd edək ki, onun narkotik tərkibli bitkilərdən əldə edəcəyi narkotik vasitənin qara bazarda dəyəri 700 min manata yaxındır. Axtarış əməliyyat tədbirləri ilə Rasim Yetimov da saxlanılaraq istintaqa təhvil verilib. Onu da qeyd edək ki, Rayon Polisinin son 1 ayda keçirdiyi əməliyyatlarla 16 nəfər şübhəli şəxs qismində saxlanılıb. Onlardan götürülən müxtəlif növ narkotik vasitə, psixotrop maddələr, eləcə də kultivasiya etdikləri çətənə kolları qanunsuz dövriyyədən çıxarılıb. Faktlarla bağlı Balakən Rayon Polis Şöbəsində araşdırmalar davam etdirilir.

1 iyun Uşaqların Beynəlxalq Müdafiəsi Günü münasibətilə Şəki Qarışıq Tipli Uşaq evində Müdafiə nazirliyinin təşəbbüsü ilə ədəbi-bədii tədbir keçirilib. Tədbirdə Azərbaycan ərazisində yerləşən N saylı hərbi hissənin zabit heyyəti, uşaq evinin müəllim və şagird kollektivi iştirak ediblər. Tədbirdə doğum günü olan azyaşlı və digər uşaqlar təbrik edilib və hədiyyələr verilib. Tədbirin təşkilatçıları mütəmadi olaraq uşaq evlərində bu cür aksiyalar keçirdiklərini bildiriblər. Görüşdə uşaq evində təhsil alan şagirdlər öz rəqs nümunələriylə qonaqları şənləndiriblər. Tədbirdə iştirak edən klounlar uşaqları güldürüb və əyləndiriblər. Ardınca isə səhnəyə kəndirbazlar çıxıb. Kəndir üzərində bir birindən maraqlı fəndlər edən kəndirbazlar  izləyənlərin böyük marağına səbəb olub. Tədbir musiqi nömrələri və rəqslərlə davam edib. 

Şəki 8 saylı məktəbdə 2016-cı il şəhidi, şəhid baş leytnant Elnur İsgəndərovun doğum günündə xatirəsi anılıb. Tədbirdə şəhidin döyüş yoldaşları , ailə üzvləri, digər şəhid ailələri, məktəbin müəllim və şagird kollektivi iştirak ediblər. Çıxış edənlər şəhidin vətən sevgisindən, ailəsinə və dostlarına olan sədaqətindən, 2016-cı il aprel döyüşlərində keçirdiyi şanlı zəfər yolundan danışıblar. Ardınca məktəblilər şəhidin xatirəsinə hazırladıqları vətənpərvərlik mövzusuna hazırladıqları ədəbi-bədii kompozisiyaları nümayiş etdiriblər. Qeyd edək ki, 2006-cı ildə Elnur İsgəndərov Heydər Əliyev adına Azərbaycan Ali Hərbi Məktəbinə daxil olub, 2010-cu ildə isə həmin ali məktəbi leytenant rütbəsi ilə bitirdib. Daha sonra Elnur İsgəndərov Bakı şəhərində yerləşən \"N\" saylı hərbi hissədə xüsusi təyinatlılar bölməsində xidmətə başlayıb. Elnur İsgəndərov ailəli idi, Elman adında bir oğlu yadigar qalıb. Baş leytenant Elnur İsgəndərov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid olub. Aprelin 11-i isə Elnur İsgəndərov doğulduğu Şəki şəhərində son mənzilə yola salınıb. Elnur İsgəndərov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə \"Vətən uğrunda\" medalı ilə təltif edilib.

\"1 iyun Uşaqların Beynəlxalq Müdafiəsi günü\" münasibətilə Şəki Regional Mədəniyyət İdarəsinin təşkilatçılığı və şəhər İcra Hakimiyyətinin dəstəyi ilə Bəxtiyar Vahabzadə adına istirahət və mədəniyyət parkında, “Hər birimiz bir çiçək” adlı açıq havada konsert təşkil edilib. Konsertdə məktəblilər müxtəlif rəqslər, musiqi nümunələri və vətənpərvərlik mövzusunda xor ifa ediblər. Sonda onu nəzərinizə çatdıraq ki, bütün demokratik dövlətlərdə olduğu kimi Azərbaycanda da uşaq hüquqlarının qorunmasına xüsusi önəm verilir. Belə ki, ölkəmizdə uşaqları sağlam, hərtərəfli, vətənə layiq övlad kimi böyümələri üçün hər cür şərait yaradılıb. Uşaqlar bizim gələcəyimizdir və ölkənin gələcəyi onların əlindədir.