2016-cı ilin aprel ayında Lələtəpə yüksəkliyinin işğaldan azad edilməsi uğrunda gedən döyüşlərdə qəhrəmancasına şəhid olmuş Elnur İskəndərovun xatirəsi anılıb. Təhsil aldığı Şəki şəhər 11 nömrəli tam orta məktəbdə şəhidin xatirəsinə həsr olunmuş lövhənin açılışı olub. Açılış tədbirində şəhər rəsmiləri, şəhid ailələri, müharibə iştirakçıları, şəhidin yaxınları və döyüş yoldaşları iştirak ediblər.

Çıxış edənlər Elnur İskəndərovun həyat və döyüş yolundan, 2016-cı il Aprel döyüşlərinin əhəmiyyətindən danışıblar. Daha sonra tədbir məktəblilərin vətənpərlik ruhunda hazırladağı şeir və ifalarla davam edib. Sonda şəhidin xatirə lövhəsinin açılışı baş tutub.

Martın 3-də keçirilən buraxılış imtahanında 14 nəfər 300 bal toplamaqla ən yüksək nəticə əldə edib. Yüksək nəticə əldə edən şagirdlər Bakı, Gəncə, Abşeron, Şəki və Qəbələdəki dövlət ümumitəhsil müəssisələrinin şagirdləridir. Maraqlısı odur ki, 300 bal toplayanların 6-sı Şəki-Zaqatala Regional Təhsil idarəsinin tabeliyindəki ümumi təhsil məktəblərinin şagirdləridir. Şəki rayonunda yüksək nəticələri əldə edənlər Şəki şəhər Fizika-riyaziyyat və humanitar təmayüllü liseyin şagirdi Amalya Əliyeva, 5 nömrəli tam orta məktəbin şagirdi Fatimə Teymurlu, 18 nömrəli məktəbin şagirdi Zərifə İlyasovadır. Diqqət çəkən digər bir məqam isə ölkə üzrə ən yüksək nəticəni əldə edənlərdən 13-ünün qız, yalnız birinin oğlan olmasıdır ki, o da Qəbələ rayon Həmzəli kənd orta məktəbinin şagirdi Elşən Yusibovdur. Nohurqışlaq kənd tam orta məktəbinin şagirdi Səidə Rəhimova və 4 nömrəli tam orta məktəbin şagirdi Lalə Xancanova da buraxılış imtahanında maksimum nəticəni əldə edərək 300 bal toplayıblar. Abituriyentlər növbəti imtahanda da eyni nəticəni əldə edəcəklərinə inanırlar. Biz də onlara hədəflərinə çatmaq üçün uğurlar arzu edirik.

Qobustan Rayon Polis Şöbəsinin əməkdaşları tərəfindən narkotiklərin qanunsuz dövriyyəsi ilə məşğul olan, əvvəllər də analoji cinayət əməlinə görə məhkum olunmuş Kamil Hüseynov və Orxan İbrahimov saxlanılıblar. Daxili İşlər Nazirliyinin mətbuat xidmətinin Şəki regional qrupundan verilən məlumata görə, K.Hüseynovdan heroin, O. İbrahimovdan isə heroin və marixuana aşkar edilərək götürülüb. Faktlarla bağlı cinayət işləri başlanıb, araşdırmalar davam etdirilir.

Zaqatalada minik avtomobili iritonnajlı yük maşın ilə toqquşub, xəsarət alan var. Hadisə səhər saatlarında Zaqatala-Qax avtomobil yolunun Yeni Suvagil kənd inzibati ərazisindən keçən hissəsində baş verib. 63 yaşlı Zaqatala şəhər sakini Qasım Rəcəb oğlu İsgəndərov idarə etdiyi Chevrolet markalı minik avtomobiuli ilə hərəkətdə olarkən qarşı tərəfdən edən Araz İsayevin idarə etdiyi iritonnajlı yük maşını ilə toqquşub. Qəza zamanı minik avtomobilinin sürücüsü Qasım İsgəndərov aldığı müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına (RMX) yerləşdirilib. Faktla bağlı Zaqatala rayon Polis Şöbəsində araşdırma aparılır.

Minik avtomobili yük maşın ilə toqquşub, xəsarət alan var

Söhbət 5500 əhalisi olan Şəkinin Oxud kəndinin yollarından gedir. İndiyədək bir dəfə də olsun əsaslı təmir görməyən, asfalt örtüyü salınmayan bu yolun bir hissəsi bir neçə dəfə sakinlərin şəxsi vəsaiti hesabına çınqıllanıb. Amma bu tədbirlər də get-gedə dağılmaqda olan yolu salamat saxlamağa kifayət etməyib.