Öyrənmək üçün heç vaxt gec deyil. Bunu sübut edən 73 yaşlı tələbə Musa Mahmudov təhsil yaşı ilə bağlı bütün stereotipləri dağıtdı. O, Qəbələ Dövlət Peşə Təhsil Mərkəzində "Arıçılıq" ixtisası üzrə təhsil alır. 2004-cü ildən arıçılıqla məşğul olan Musa Mahmudov yaşı 70-i keçsə də, təhsil almaq, sənəti ilə bağlı bilik və bacarıqlarını artırmaq üçün öyrənmək əzmindədir.

Qəbələ Dövlət Peşə Təhsil Mərkəzinin nəzdində “Arıçı” ixtisası bu il ölkə üzrə ilk dəfə fəaliyyətə başlayıb. Musa Mahmudov “Arıçı” ixtisasına son anda sənəd verərək 40-dan artıq müraciət edənlərin arasından qəbul olunan 19 nəfərdən biri olub. O, yaşına baxmayaraq, dərslərə intizamla yanaşır, verilən tapşırıqları yerinə yetirir, nəzəri və praktiki dərslərdə fəallığı ilə seçilir.

Qeyd edək ki, Musa Mahmudov 1951-ci ildə Qəbələnin Vəndam kəndində doğulub. Üç qız, bir oğul atası olan Azərbaycanın ən yaşlı tələbəsinin 8 nəvəsi var. Deyir ki, övladlarının hamısına ali təhsil verib. Özü də vaxtı ilə təhsil almaq istəsə də, ailəsinin maddi imkanı buna mane olub. İndi isə özünün gənclik arzusunu reallaşdırır.

Yazın gəlişinə saylı günlər qalsa da qış öz sərt üzünü göstərməkdə davam edir. Belə ki, ötən gecədən Şamaxı rayonuna yağan qar yerli sakinlərə çətin anlar yaşadıb. Ötən gecədən Şamaxıya yağan güclü qar Şamaxı-Pirqulu avtomobil yolunda nəqliyyatın hərəkətində məhdudiyyətlər yaradıb. Çovğun və buzlaşma nəticəsində sürücülər yolda qalıb. Dağ kəndlərinə gediş-gəlişdə fasilələr yaşanıb.

Əraziyə 19 nömrəli xüsusi təyinatlı yol idarəsinin canlı qüvvə və texnikası cəlb olunub. Ancaq güclü külək və çovğunla müşaiyət olunan qar yolların təmizlənməsini çətinləşdirir. Yolların buzdan təmizlənməsi və nəqliyyat vasitələrinin intensiv hərəkətinin təmin olunması üçün işlər davam etdirilir.

Hazırda da Şamaxının Dəmirçi və ətraf kəndlərində qar yağışı müşahidə edilir. Dağ kəndlərində qarın hündürlüyü 50 santimetri ötüb. Bakı-Şamaxı-Yevlax yolunun Şamaxıdan keçən hissəsində isə avtomobillərin hərəkətində ciddi çətinlik qeydə alınmayıb.

Bu çərşənbədə oyanan yel və külək dünyanı dolaşır, oyanmış suyu, odu hərəkətə gətirir, torpağa yeni nəfəs verir. Ona görə bu çərşənbəyə xalq arasında "yelli-küləkli" çərşənbə deyirlər.

Yel çərşənbəsi Şamaxının Dəmirçi kəndində də özünəməxsus şəkildə qeyd olunur. Baharın gəlişinə sayılı günlər qalsa da kəndin yaxınlığında olan dağlar ağ örpəyə bürünüb, amma havanın sərt, soyuq olması yerli sakinləri bayram abu-havasından kənarda qoya bilməyib. Kənd sakinləri hər il olduğu kimi, bu il də yazın, baharın müjdəçisi olan yel çərşənbəsinin gəlişini qarşılamaq üçün, isti evlərindən çıxıb bayram tonqalı ətrafında toplaşıblar.

Qız-gəlinlərin hazırladıqları şəkərbura, paxlava,səməni halvası, şirin çörəklər, boyanan yumurtalar, cücərdilən səmənilər, şux bayram rəqsləri, aşıqların, folklor qruplarının çıxışları isə çərşənbəyə xüsusi rəng qatıb. Azərbaycan xalqının milli adət-ənənəsinə görə çərsənbələrdə küsülülər barışmalı, qohumlar bir-birini ziyarət etməli, evlərdə bayram süfrəsi açılmalı, yumurta döyüşdürülməlidir.

Novruz çərşənbələrinin dördü qeyd olunsa da, deyimlərə görə, yeddi çərşənbə var. Bunlardan üçü Oğru, dördü isə Doğru çərşənbədir. Oğru çərşənbələr həm də yalançı çərşənbə adlanır. Bir sözlə, xalqımız milli adət-ənənələrini yaşadır, gələcək nəsillərə ötürür. Bu ilki bayram həm də bütöv Azərbaycan torpaqlarında keçirilməsi ilə əlamətdardı. Beləliklə, Sudan, Oddan, Yeldən keçib axır çərşənbənin - Torpaq çərşənbəsinin astanasına yetişdik. Sularımız axsın, ocağımız yansın, küləyimiz əssin, torpağımız dirçəlsin. Çərşənbələr hamımıza uğur, bərəkət gətirsin!

Martın 7-9-da Bakıda MMA, Pankration və Grappling idman növləri üzrə respublika turniri keçirilib. Yarışmaya Şəkidən ümumilikdə 11 idmançı qatılıb. Gərgin keçən mübarizənin nəticəsində şəkili idmançılar ikisi qızıl, biri bürünc olmaqla 3 medal əldə ediblər.