Ölkənin hər yerində olduğu kimi ən böyük taxılçılıq rayonlarından Şəkidə taxıl biçininə start verilib. Şəki rayonunda bu il 58 min hektardan artıq sahədə taxıl əkilib ki, onun da 24 min hektarı buğda sahəsidir.

Bu sahələrin yalnız 16 704 hektarı şərti suvarılan torpaqlar, qalanı isə dəmyə torpaqlardır və yalnız yağış suyu ilə qidalanır. Bir neçə ildir, quraqlıqdan əziyyət çəkən şəkili fermerlərin indi üzü gülür.

Taxıl sahələrinin texnika ilə təminatına gəlincə isə DAİM-dən hazırda sahələrdə 119 kombaynın işlədiyi, həmçinin digər rayonlardan da kombaynların dislokasiya olunmağa davam etdiyi bildirildi.

Qeyd edək ki, DAİM-in mütəxəssiləri bu il Şəki rayonunda 150 min tondan çox taxıl istehsal olunacağını proqnozlaşdırır.

Müəllimlərin sertifikatlaşdırma prosesinin test imtahanı mərhələsinə başlanılıb. Bu il riyaziyyat, Azərbaycan dili, ingilis dili, rus dili, rus ədəbiyyatı, alman dili, fransız dili üzrə müəllimlərin sertifikatlaşdırmadan keçirilməsi nəzərdə tutulur. 21-24 iyun tarixlərində keçiriləcək imtahanlar ölkənin 13 müxtəlif şəhəri üzrə 23 mərkəzdə təşkil olunub.

Şəki-Zaqatala regional təhsil idarəsinin tabeliyində olan məktəblərin 1820 təhsil verəni sertikatlaşdırma imtahanlarına cəlb olunublar. Mil-Muğan regionu üzrə isə 440-a yaxın müəllim imtahanda iştirak edib.

Təhsildə keyfiyyətin artırılmasını nəzərdə tutan sertifikasiyanı müəllimlər üçün cəlbedici edən həm də göstərdikləri nəticəyə uyğun əməkhaqqlarına ediləcək əlavələrdir. Test imtahanında azı 30 bal toplamış təhsilverənlər sertifikatlaşdırmanın müsahibə mərhələsinə keçə biləcəklər. Həmin müəlilimlərin vəzifə maaşlarına 10 faiz, 50 baldan yuxarı nəticə göstərənlərin isə əməkhaqqına 35% əlavələr ediləcək.

Ötən ilə nisbətən yağıntının çox olması səbəbindən, bu il çaylarda suyun səviyyəsi, həmçinin sel təhlükəsi də artıb. Şəki rayonunda son bir neçə ay ərzində Qırxbulaq, İnçə, Qaradağlı, Babaratma, Baş Küngüt, Baş Layısqı və digər kəndlərində sel hadisələri baş verib. Bu səbəbdən də ən dağıdıcı çayların keçdiyi Şəkidə sel və daşqınlara qarşı mübarizə tədbirləri gücləndirilib.

Rayonun ən iri və təhlükəli çaylarından olan Şin çayı 10 mindən çox əhalisi olan Baş Göynük, Baş Layisqi, Köndələn, Subasan və digər kəndlərin yaxınlığından keçir. Çayın öz məcrasını yaşayış ərazilərinə doğru dəyişməsi bu kəndlərin sakinlərini sel təhlükəsi ilə qarşı qarşıya qoyur.

Sel təhlükəsi yüksək olan Kiş, Küngüt və Zəyzid çaylarında da məcralar təmizlənir, sahilbərkitmə işləri aparılır. Ancaq görülən işlərə baxmayaq bir sıra yerlərdə, Şin, Zəyzid, Küngüt çaylarında əlavə sel sularından mühafizə bəndlərinə ciddi ehtiyac var. Baş mühəndis bu məsələ ilə bağlı Nazirlər Kabinetinə müraciət edildiyini və dövlət proqramına salındığını bildirdi.

Beton bəndlərin tikilməsi ilə yanaşı, çay sahillərində 300 paq.m. qabyon bəndlərin də qurulması nəzərdə tutulub. Eyni zamanda suvarma mövsümü olduğu üçün çaylardan gələn su əkin sahələrinə yönəldilir. Hazırda 39 min hektara yaxın sahənin suvarılması aparılır.