Bu ildən məktəblərdə yeni layihəyə start verilib. Təhsil nazirliyinin qərarına əsasən artıq ölkə üzrə bir sıra seçilmiş təhsil ocaqları fərqli istiqamətdə çalışmağa balayıb. Belə ki, seçilmiş məktəblər təmayül tədris planları əsasında öz fəaliyyətini davam etdirəcək.

Məktəbdə tədris prosesi şagirdlərin maraqlarına və qabiliyyətlərinə uyğun olaraq təmayül tədris planları əsasında təşkil edilib. Bu tədris planları şagirdlərin dərinləşdirilmiş biliklərə yiyələnmələrinə və gələcəkdə ixtisas seçimi üçün daha yaxşı hazırlanmasına kömək edəcək. 6 nömrəli tam orta məktəbin bu layihə üçün seçilməsi heç də təsadüfi deyil. Məktəbdə təhsil alan aşağı sinif şagirdlərinin aqibətinə gəlincə...

Qurum rəsmisi məktəbdə təhsil almaq istəyən 10-cu sinif şagirdlərinin qəbul prosesinə də aydınlıq gətirib. Belə ki, qruplarda şagirdlərin sayı 15 nəfəri keçməməlidir. Bunun üçün bir sıra nüanslara diqqət verilir. Şəki-Zaqatala Regional Təhsil İdarəsindən onu da bildirdilər ki, yaxın gələcəkdə Şəkidə daha bir məktəbdə analoji layihə həyata keçiriləcək. Eyni zamanda bu layihə digər bölgə məktəblərini də əhatə edəcək.

Şamaxıdan 10 kilometr uzaqlıqda yerləşən, vaxtilə səsli-küylü, qonaq-qaralı, gözəl təbiətə malik olan Şamaxının Kərkənc kəndi indi sakitliyə qərq olub. Hazırda 40 ailənin , 300-ə yaxın sakinin yaşadığı kənddə əhali sayı artmaq əvəzinə azalmağa doğru gedir. Susuzluq,yolsuzluq və saymaqla bitməyən problemlər ucbatından sakinlərin bir çoxu evlərini boş, kimsəsiz qoyaraq başqa ərazilərə köç edirlər. Bu da yaşlı nəslin nümayəndələrini narahat edir. Baxımsız qalan evlərsə yararsız hala düşüb.

Kənd ərazisində su bulaqları olsa da hamısı quruyub. Sakinlər deyir ki, kəndə həftədə bir dəfə hər evə 120 litr su verilir, oda lilli, palçıqlı. Bilmirik o suyu özümüz istifadə edək yoxsa mal qaraya verək.

Kənddə problemlər bununla da yekunlaşmır. Ərazidə aptekin, marketin olmaması sakinlərin işini daha da çətinləşdirir.

Bütün bunlar azmış kimi kəndin bir tərəfi zibilliyə qərq olub. Ərazidə antisanitar vəziyyət hökm sürür. Sakinlər deyir ki, illərdir yaşadıqları çətinliklərlə bağlı bütün aidiyyatı qurumlara müraciət ediblər. Ancaq məhəl qoyan olmayıb. Bir müddət də davam etsə Kərkənc də tərk edilmiş kəndlərində siyahısında öz yerini alacaq.

Növbəti sujetimiz Şəkidə illər öncə salınan yaşayış massivinin problemlərindən bəhs edir. Sakinlərin müraciət etmədikləri qurum, döymədikləri qapı qalmayıb. Səslərinə hay verən olmadığından son ümid yeri kimi bizə müraciət ediblər. Təfərrüatları və aidiyyatı qurumların cavabını izləyək.

Məsələ ilə bağlı AZƏRİQAZ İB-ə müraciət etdik. Qurumdan bilirildi ki, qaz xəttinin çəkilişləri tezliklə davam etdiriləcək. Oxşar vəziyyət su təminatı ilə də bağlı da yaşanır. Kvartalın yaxınlığında 1 artezian var və ötən il dövlət büdcəsi hesabına daha biri də qazılıb.

Məsələ ilə bağlı Dövlət Su Ehtiyatları Agentliyinin Şəki regional bölməsindən də münasibət öyrənmək istədik. Müsahibəyə razılıq verməsələr də mövcud problemdən xəbərdar olduqlarını, artezianların tam saz vəziyyətdə olduğunu bildirdilər. Belə olan halda niyə sakinlərə su xətləri çəkilmir ?- sualına isə cavab ala bilmədik. Sakinllərin ncavab ala bilmədiyi digər bir qurum da bələdiyyədir.

Görünən kəndə nə bələdçi? Çəkiliş zamanı yaxınlıqda yerləşən 118, 119, 120, 125 və digər kvartalların da eyni problemlərdən əziyyət çəkdiklərinin şahidi olduq. Ancaq bir daha xatırlatmaq yerinə düşər ki, bu ərazilər bələdiyyə tərəfindən sənədlə paylanıb və Şəki şəhərinin baş planına daxil edilib.