Şəhid Ramin Məmmədovun xatirə bulağının açılış mərasimi keçirilib

Şəkinin Qoxmuq kəndində 44 günlük Vətən müharibəsinin qəhrəman şəhidlərində olan – Ramin Məmmədovun xatirə bulağının açılış mərasimi keçirilib.

Şəhidin 27-ci doğum gününə təsadüf edən tədbirdə rayon rəsmiləri, şəhid ailələri və ictimaiyyət nümayəndələri iştirak edib. Çıxışlarda şəhidin qısa amma şərəfli ömür yolundan bəhs edilib, ardınca məktəblilər vətənpərvərlik ruhunda şeirlər səsləndirib. Sonda şəhidin xatirə bulağının açılışı baş tutub.

Dünya birliyinin “Yaşıl dünya naminə həmrəylik” devizi altında Bakıya yığışdığı COP29 tədbirlərində əsas müzakirə mövzusu karbon qazı emissiyasını və yanacaq materiallarından istifadəni azaltmaqdır. Bu missiyanı həyata keçirməyin yollarından biri də ekoloji təmiz nəqliyyat vasitələrinə keçiddir. Zaqatalanın ucqar Dağlı kəndində isə əhali artıq illərdir ki, belə vasitələrdən biri olan velosipeddən istifadə edir. Bu kənddə elə ev, elə insan tapılmaz ki, onun velosipedi olmasın.

Zaqatalada 37 yaşlı şəxs anafilaktik şokdan həyatını itirib. Muxax kənd sakini Rəfael Ramazanova yaşadığı ünvanda müalicə həkiminin təyinatı üzrə antibiotik vurulub. İynə vurulduqdan sonra Rəfael Ramazanovun vəziyyəti pisləşib və anafilaktik şok halına düşüb. TƏBİB-dən bildirilib ki, Rəfael Ramazanovla bağlı Rayon Mərkəzi Xəstəxanasının Təcili və təxirəsalınmaz tibbi yardım şöbəsinə çağırış daxil olub. Göstərilən zəruri tibbi yardıma baxmayaraq, "anafilaktik şok" diaqnozu ilə şəxsin ambulansda xəstəxanaya qədər ölüm faktı qeydə alınıb. Hadisə ilə bağlı rayon prokurorluğunda araşdırma aparılır.

Rayonlarda ekoloji aksiyalar davam edir. Qəbələdə keçirilən ağacəkmə aksiyasında Zarağan meşəbəyliyinin 6 saylı meşə zolağında, 4 ha ərazidə 6 666 qoz tingi əkilib. Relyefi uyğun olaraq seçilən qoz tingləri həm də təsərrüfat əhəmiyyətli və quraqlığa dözümlüdür.

Mədəniyyət Nazirliyinə məxsus obyekt yandı

Qaxda klub yanıb. Yanğın hadisəsi gecə saatlarında rayonun Əmbərçay kəndindəki Mədəniyyət Nazirliyinə məxsus klubda baş verib. Hadisə yerinə Qax Rayon Yanğından Mühafizə Hissəsinin yanğınsöndürən texnikaları cəlb edilib.Ümumi sahəsi 370 kvadratmetr olan klubun 320 kvadratmetri içərisindəki əşyalarla birlikdə tamamilə yanıb. Araşdırma aparılır.

Rayon Mərkəzi Xəstəxanasının Reanimasiya şöbəsində rayonun Çobankol kənd sakini 2 yaşlı Bəxtiyar Əliyev ölüb. Əldə olunan ilkin məlumata görə, azyaşlı pnevmoniya əlamətləri ilə xəstəxanaya daxil olub. Faktla bağlı Zaqatala rayon prokurorluğunda araşdırma aparılır.