Ölkənin hər yerində olduğu kimi Şimal və Şimal-Qərb bölgəsində də ümummilli lider Heydər Əliyevin əziz xatirəsi anılıb!

60 illik məktəb ölüm ayağındadır Elmin, texnologiyanın sürətlə inkişaf etdiyi 21-ci əsrdə təsəvvür edin ki, şagirdlər istismara yararsız, hətta elektrik enerjisi belə olmayan məktəbdə təhsil alırlar. Bu da azmış kimi qışda soyuq, yazda, ilan və gəmiricilər təhsilin normal təmin edilməsinə ciddi maneə törədir. Söhbət Zaqatalanın Kəpənəkçi kənd məktəbindən gedir. Təəssüf ki, sujetdə məktəbin içərisini tam şəkildə görə bilməyəcəksiz. Nədənsə aidiyyatı qurumlar bizim çəkilişimizin tədris prosesinə mane olduğunu düşündülər. Halbuki 3 ildir şagirdlər işığı olmayan qaranlıq otaqlarda, tavanı hər an başlarına düşəcək, döşəməsindən ilan çıxan sinif otaqlarında yetərincə maneə ilə dərs keçmirlərmi ?! Xülasə, valideynlərin müraciət əsasında məktəbin vəziyyətini çəkib göstərməyə çalışmışıq, izləyək...

Qobustanda Şəhid Vüsal Şəhriyarovun doğum günündə xatirəsi anılıb. Tədbirdə şəhid ailələri, qazilər, veteranlar, rayon ictimaiyyəti iştirak edib. Çıxış edənlər Vüsalın qısa, ancaq şərəfli həyatından, qəhrəmanlıqlarla dolu döyüş yolundan danışıblar. Onunla bağlı xatirələrini bölüşüblər.

Bildirilib ki, komanda birliyində xidmət edən Vüsal sakit təbiətli, mehriban, vətənpərvər olub. Xatırladaq ki, 22 yaşlı Vüsal Şəhriyarov 19 sentyabr 2023-cü il tarixində həyata keçirilən lokal antiterror tədbirləri zamanı Ağdərə rayonunda şəhid olub. Ölümündən sonra 3-cü dərəcəli “Vətənə xidmətə görə” ordeni ilə təltif edilib.

Ötən gecədən başlayan yağıntılı və dumanlı hava şəraiti Bakı-Şamaxı-Yevlax, Ağsu-Muğanlı-İsmayıllı magistrallarında hərəkəti iflic edib. Qatı duman səbəbindən bu yolları istifadə edən sürücülərin hərəkəti çətinləşib.