Qaxda Qorağan-Qax avtomobil yolununun, Alatəmir kəndi ərazisində yol nəqliyyat hadisəsi baş verib. İlkin məlumata görə, “QAZel” markalı xırda tutumlu yük maşını minik avtomobili ilə toqquşub.

Toqquşmadan sonra“QAZEL” yük avtomobili yol kənarındakı qoz agacına cırpılıb və yararsız vəziyyətə düşüb. “QAZel”in sürücüsü 44 yaşlı Qəbələ rayon sakini Kamran Əzizov xəsarət alaraq Qax rayon Mərkəzi Xəstəxanasına yerləşdirilib. Faktla bağlı araşdırma aparılır.

Balakən polisinin keçirdiyi əməliyyat zamanı qeyri-leqal yollarla ölkə ərazisinə gətirilən külli miqdarda narkotik vasitənin realizə olunmasının qarşısı alınıb. Saxlanılan, əvvəllər də məhkum olunmuş Eşqin İsmayılodan 30 kiloqram marixuana və 3 kiloqrama yaxın heroin, eləcə də metadon həbləri aşkarlanıb.

O, narkotik vasitələri satış məqsədilə əldə etdiyini bildirib. Məhkəmənin qərarı ilə İsmayılov barəsində həbs qətimkan tədbiri seçilib. Keçirilən digər əməliyyatlarla Balakəndə narkotik vasitələrin qanunsuz dövriyyəsini təşkil edən daha 15 nəfər tutulub.

Saxlanılanlardan İlham Muradovun yaşadığı evdən “Kalaşnikov” avtomatı, daraq və patronlar da aşkarlanıb. Qanunsuz saxlanılan odlu silah-sursatın aşkarlanaraq götürülməsi istiqamətində keçirilən tədbirlər zamanı isə rayon ərazisindən 1 ədəd avtomat və 3 ov tüfəngi də aşkarlanıb. Araşdırmalar davam etdirilir.

Şəkinin Böyük Dəhnə kəndində şəhid Eşqin Allahverdiyevin anım tədbiri keçirib. Tədbirdə şəhidin yaxınları, şəhid ailələri və qazilər, ictimaiyyət nümayəndələri iştirak ediblər.

Şəhidin məzarı ziyarət olunub, önünə gül-çiçək dəstələri düzülüb, ruhuna dualar oxunub. Çıxış edənlər Eşqin haqqında xatirələrini bölüşüblər. Onun qısa, ancaq şərəfli ömür yolundan bəhs edilib. Bildirilib ki, 2015-ci ildə Xocavənd rayonu ərazisində dayaq məntəqsinə düşməni növbəti təxribatı zamanı şəhidlik zirvəsinə ucalıb.

Ailənin 3 övladından biri olan Eşqin vətənpərvərliyi, istiqanlılığı, yardımsevərliyi ilə fərqlənib. Vurğulanıb ki, məhz torpaq uğrunda canından keçən igidlər vətən torpaqlarını düşmən tapdağından azad edib. Rəsmi hissədən sonra ehsan süfrəsi açılıb.

 Şəkidə orta ixtisas məktəblərinin tələbələri arasında 2 fevral - Gənclər günü münasibəti ilə dama yarışı keçirilib. Yarış Şəki-Zaqatala Regional Təhsil İdarəsinin və  Təhsil İşçiləri Azad Həmkarlar İttifaqının Şəki Rayon Komitəsinin birgə təşkilatçılığı ilə baş tutub. Rəsmi hissədə çıxış edənlər iştirakçıları Gənclər günü münasibəti ilə təbrik ediblər.