Oğuzda evdən oğurluq edən şəxs saxlanılıb. Polisə müraciət edən zərərçəkmiş Xaçmaz kəndində yerləşən evindən dəyəri 4 min manat olan məişət əşyaları və təmir-tikinti alətlərinin oğurlandığını bildirib. Polis əməkdaşlarının həyata keçirdikləri tədbirlərlə hadisəni törətməkdə şübhəli bilinən 34 yaşlı Vələd Əhmədli saxlanılıb. O, oğurladığı əşyaları Qəbələ rayonunda satdığını bildirib. Faktla bağlı cinayət işi başlanılıb, məhkəmənin qərarı ilə Əhmədli barəsində həbs qətimkan tədbiri seçilib.

Şəkidə su-kanalizasiya xətlərinin çəkilişindən sonra bərbad vəziyyətə düşən yollar təmir edilir. Küçələrə yeni asfalt örtüyü çəkilir. Amma bir neçə ərazidə yeni çəkilən yol yenidən qazılıb. Bəs, səbəb nədir? Qurumlarım məsuliyyətsizliyi, ya ümumiyyətlə bir-birlərindən xəbərdar olmamaları? Sujeti izləyək...

Səhiyyə Nazirliyinin tərəfdaşları ilə birgə reallaşdırdığı “Erkən müayinə can qurtarır” adlı tibbi aksiyanın növbəti ünvanı Zaqatala rayonu olub. Aksiyanın məqsədi sağlamlıq xidmətlərini insanlara yaxınlaşdırmaq, mütəmadi tibbi müayinənin önəminə diqqət çəkmək, diabet xəstəliyinin erkən mərhələlərində diaqnostikasını aparmaq və xəstəliyin qarşısını almaqdır.Aksiyada təcrübəli həkim heyəti sakinlərə ödənişsiz tibbi xidmətlər, qan analizləri, eləcə də endokrinoloji, terapevtik və digər ixtisaslaşmış sahələr üzrə fərdi məsləhətlər verib. Xüsusilə şəkərli diabetlə bağlı risklərə dair geniş məlumatlandırma aparılıb.

Balakəndə 50 yaşlı qadını avtomobil vuraraq öldürüb. Hadisə günorta saatlarında Yevlax-Zaqatala-Gürcüstan sərhəd magistral avtomobil yolunun Katex kəndi ərazisindən keçən hissəsində baş verib.

Şəki Dövlət Dram Teatrında polşalı dramaturq Slavomir Mrojekin “Xoşbəxt hadisə” pyesi əsasında hazırlanmış eyniadlı tamaşanın premyerası keçirilib. İlboyu müxtəlif səhnə əsərləri ilə teatrsevərlərin görüşünə gələn teatrın "Xoşbəxt hadisə " tamaşası izləyicilər tərəfindən böyük rəğbətlə qarşılanıb.Benefis tamaşa Prezidentin fərdi təqaüdçüsü, teatrsevərlərin sevimlisi Əməkdar artist Xanlar Həşimzadənin 50 illik uğurlu səhnə fəaliyyəti və 70 illik yubileyinə həsr olunub.