Ötən gün axşam saatlarından Şimal-Qərb bölgəsinə yagan aramsız yagışlar Qax rayonunun İlisu kəndində fəsadlar yaradıb.  Kəndin daxilindən axan çayın suyu artıb.  Sel suları çay məcrasına iri daş parcaları və dağ süxurları gətirərək su ötürücü qurğunu tamamilə bağlayıb və kənd ücün təhlükə yaradıb. Qax suvarma sistemləri idarəsinin texnikaları həmin ərazidə fəsadın aradan qaldırılması istiqamətində işlərə başlayıb. Yağan güclü yağış nəticəsində dağdan axıb gələn daş və çınqıllar İlisu kəndinə gedən yola tökülərək yolda gediş-gəlişi çətinləşdirib. Qax rayon 13 saylı Yol İstismar İdarəsi  MMC tərəfindən gecə saatlarından əraziyə  texnikalar və canlı qüvvə cəlb olunaraq  təmizlik işləri aparılıb və yollar tam təmizlənib.

Şamaxıda uşaq bağçalarının birində azyaşlıya qarşı şiddət görüntüləri sosial şəbəkələrdə yayılıb. Görüntülərdən də aydın olur ki,masa arxasında sakit duran körpələrdən biri zorakılığa məruz qalır. Bağça rəhbərliyin ilkin araşdırmaları zamanı məlum olub ki, azyaşılın saçını dartan bağçanın aşpazı Sevinc Balakişiyeva olub.Məhs bu səbəbdən bağça rəhbərliyi məsələ ilə bağlı ilkin tədbirlərini görüb. Bağçada bəzi valideynlər də belə bir halın birinci dəfə baş verdiyini bildirdilər. Şamaxı sakinləri də bağçada eləcə də məktəblərdə belə halların baş verməsini xoşagəlməz hal kimi dəyərləndiriblər. Dağlıq Şirvan Regional Təhsil İdarəsi Şamaxıda uşaq bağçasında azyaşlıya zorakılıq göstərilməsi məsələsinə münasibət bildirib. Xatırlaq ki,görüntülər bu gun sosial şəbəklərdə yayılsa da hadisə bu ayın ikisində baş verib. Ümid edək ki,müvafiq qurumların apardığı araşdırmaların sonunda körpənin saçını dartaraq ona şiddət göstərən aşbaz barəsində lazimi ölçü götürüləcək.

Zaqatalada məcburi köçkünlərin məskunlaşdığı qəsəbədə bıçaqlanma hadisəsi baş verib. Məcburi köçkünlərin məskunlaşdığı qəsəbədə yaşayan 33 yaşlı Rəşadət Əzimov baş və kürək nahiyəsinin xəsarəti ilə Zaqatala Rayon Mərkəzi Xəstəxanasına daxil olub. Müayinə zamanı Rəşadət Əzimova küt alət və bıçaqla xəsarət yetirildiyi məlum olub. Hadisə ilə bağlı Zaqatala rayon Polis Şöbəsində aparılmış əməliyyat-axtarış tədbiri zamanı məlum olub ki, məcburi köçkünlərin məskunlaşdığı qəsəbəsində Rəşadət Əzimov və 18 yaşlı Həzrət İbişov arasında şəxsi münasibətlər zəminində mübahisə baş verib. Mübahisə zamanı Həzrət İbişov Rəşadət Əzimova xəsarət yetirib. Hadisəni törətməkdə şübhəli sayılan Həzrət İbişov polis tərəfindən saxlanılıb. Faktla bağlı Zaqatala RPŞ-də araşdırma aparılır.

Şamaxı rayon Heydər Əliyev adına parkda Şamaxı Rayon İcra Hakimiyyətinin və İsmayıllı Regional Mədəniyyət İdarəsinin birgə təşkilatçılığı ilə “Şuşa İli”nə həsr edilən “Ruhumuzun ünvanı - Şuşa” adlı tədbir keçirilib. "Bayatı- şiraz" muğamının fonunda başlayan tədbirdə Müzəffər Azərbaycan Ordusunun düşmən üzərində qələbə çalaraq tarixi nailiyyətə imza atmasından bəhs edilib. Tədbirdə tanınmış müğənni, Şamaxı xalq teatrının əməkdaşları, Qobustan şəhər Uşaq İncəsənət Məktəbinin balaban, ritm qrupu, Şamaxı şəhər İncəsənət Təhsil Mərkəzinin ritm qrupu, rəqs qrupu, Şamaxı Aşıqlar qrupu, Muğam televiziya müsabiqəsinin laureatları çıxış ediblər.

Damazlıq təsərrüfatına gedən yol Tala çayının yatağından keçdiyindən,bura yalnız xüsusi nəqliyyat vasitələrinin köməkliyi ilə getmək mümkündür. Daşlı, dərəli, düzlü bu yol hər nə qədər keçilməz və çətin olsa da, təbiətin əsrarəngiz gözəlliyi yolun bütün çətinliklərini unutdurur. Eramızın 6,7-ci əsrlərində boz Qafqaz arısı məhz bu qayalıqlarda, ağac koğuşlarında ulu babalarımız tərəfindən kəşf edilib. Xortumunun uzunluğu ilə seçilən bu arı növü həm də xəstəliklərə davamlılığı və daha çox bal toplaması ilə seçilir. Kənd Təsərrüfatı Nazirliyinin və yerli İcra Hakimiyyətinin dəstəyi ilə yaradılan bu damazlıq təsərrüfatının yerləşdiyi ərazi heç də təsadüfi seçilməyib. Təsərrüfat yaşayış məskənindən, eləcə də digər arıçı yaylaqlarından müəyyən aralı məsafədə yerləşməlidir ki, damazlıq təsərrüfatında genefondu qorunaraq artırılan saf boz qafqaz arı cinsi digər təsərrüfatlarda saxlanılan başqa növlərlə qarışmasın. Təsərrüfat yeni yaradılmasına baxmayaraq,artıq damazlıq sahəsində bir çox işlər görülüb.Təsərrüfatda yetişdirilən saf boz qafqaz arısına yerli və xarici bazarda tələbat yetərincədir. Təsərrüfatda gələcəkdə damazlıq və seleksiya işləri ilə yanaşı, ekoturizm marşurutunun yaradılması da hədəflənib. Qarşıdakı illərdə balı təbiətin qoynunda dadmaqla yanaşı, damazlıq təsərrüfatında gedən işlərlə tanış olmaq istəyən yerli və xarici qonaqlar təsərrüfatda yaradılacaq ekoturizm xidmətlərindən istifadə edə biləcək.

Bu həftə sosial şəbəkələrdə Şəkinin Kiçik Dəhnə kəndində azyaşlının zorla ərə verilməsi ilə bağlı iddialar səslənib. Hadisənin araşdıran zaman məlum olub ki, belə bir cəhd olsa da qarşısı alınıb. Belə ki, kənd icra nümayəndəsinin Ayaz Əliyevin verdiyi məlumata görə bu ilin aprel ayında kənd sakini 20 yaşlı Sərvan Rüstəmov həmin kəndin 2 saylı orta məktəbinin 10-cu sinif şagirdi olan 16 yaşlı qıza elçi düşüb. İyunun 4-də baş tutmalı olan nişan mərasimi aidiyyatı orqanların adekvat reaksiyası sayəsində baş tutmayıb.