Bu ürək bulandiran mənzərə hansısa zibil poliqonunda deyil, Şamaxı rayonunun Çaylı kəndi ərazisində qeydə alınıb. Rayon mərkəzindən bir qədər aralıda olan bu ərazinin füsünkar təbiəti məişət tutlantıları ilə çirkləndirilib. Zibillik poliqonuna çevrilən əraziyə atılan tullantıların böyük əksəriyyəti tez alışan və yanğına meyilli olan tullantılardı.Əgər hər hansısa kənar müdaxilə olarsa, yanğınlar qaçılmaz olacaq. Digər tərəfdən açıq şəkildə tibbi tullantıların kəndin ətrafına atılması müxtəlif xəstəliklərin daha tez yayılmasına səbəb ola bilər. Zibillənən ərazi kənd sakinlərinə məxsus örüş sahələridir.Sakinlər deyir ki bura atılan müxtəlif tullantılar külək səbəbindən ətrafa yayılır. Yaxınlıqdakı taxıl sahələrinə yayılan müxtəlif tullantılar səbəbibindən kəndlilər əkin-biçin vaxtı sahələrdən istifadə edə bilmirlər. Zibilliyə çevrilən ərazinin yaxınlığında yerləşən su anbarının olması kənd sakinlərini narahat edir. Kəndin mənzərəsini pozan natəmizlik və pis qoxu bir yana, əhali həmin anbarın suyundan içir və təsərrüfatda istifadə edir. Nəticədə yaranan antisanitar vəziyyət insanlar və digər canlılar üçün həyati təhlükə yaradır. Ərazi təmizlənmədiyindən zibil günü-gündən artır. Məişət tullantıların toplanması və daşınması bilavasitə yerli özünü idarəetmə orqanlarının işi olduğundan kəndin bələdiyyəsi və kənd icra nümayəndəsi ilə əlaqə saxladıq. Hər ikisi müsahibə verməkdən boyun qaçırsa da sonradan icra nümayəndəsi açıqlama vermək qərarına gəldi. Ümid edirik ki, bununla da problem birdəfəlik həllini tapar. 

Bəli, artıq neçə ildir ki, nə Şəkinin mərkəzində kanalizasiya xəttinin çəkilişi qurtarır, mə də bərbad halda olan yollar asfaltlanır. İri çuxurlar, yarğanlar, yayda tozlu, qışda palçıqlı küçələr sakinləri artıq təngə gətirib. Yolların belə halda olması sakinləri həm xərcə salır, həm də şəhərdə hərəkəti çətinləşdirir. Yolların acınacaqlı vəziyyətindən ən çox əziyyət çəkənlərdən biri də marşrut sürücüləridir. Qazılmış yollar səbəbindən daim marşrutlarını dəyişməli olurlar. Bu, həm sərnişinləri dayancaqlardan uzaq salır, həm də mikroavtobus sürücülərini əlavə xərcə salır. Üstəlik qazılmış yollar qəza şəraiti də yaradır. Məsələ bu yaxınlarda respublikanın ali kürsüsü olan Milli Məclisdə belə qaldırılıb. Şəkini təmsil edən millət vəkili Vüqar İskəndərov şəhərin yolları ilə bağlı yaşanan çətinliyi dilə gətirib və problemin qısa zamanda həll olunmasının vacibliyini qeyd edib. Şəkililər ümid edir ki, Millət vəkilinin bu çağırışına səs veriləcək. Və problem tezliklə həllini tapacaq. Beləcə Şəki sakinlərinin illərdir kabusuna çevrilən problem aradan qalxmış olacaq.

Şəkidə 1 saylı Şəki mediasiya şurasının təşkilatçılığı ilə İctimayi Təqdimat və “Açıq qapı” Günü adlı tədbiri keçirilib. Tədbirdə mediatorlar, ədliyyə işçiləri iştirak ediblər. Şəki daxil olmaqla, Mingəçevir, Ağdaş, Ağsu, Balakən, Göyçay, İsmayıllı, Qax, Qəbələ, Oğuz, Ucar, Yevlax, Zaqatala, Zərdab rayonları üzrə mediatorların müraciətləri müzakirə olunub. Çıxış edənlər ölkəmizdə aparılan mediasiya islahatlarının artıq öz müsbət bəhrəsini verdiyini bildiriblər. Söhbət zamanı qeyd edilib ki, mediasiya islahatları geniş ictimai mahiyyət daşıdığından bu sahə cəmiyyət üçün açıq olmalıdır. Bildirilib ki, tədbirin məqsədi aparılan islahatlar barəsində ictimaiyyətə açıq məlumat vermək və bu fəaliyyəti şəffaf şəkildə çatdırmaqdan ibarətdir.

Sosial şəbəkələrdə  İsmayıllı rayonunun “Tingçilik” adlanan ərazisində at və uzunqulaq cəsədlərinin qalıqlarının olması ilə bağlı görüntülər yayılıb.  Heyvan qalıqlarının ora necə töküldüyü sirr olaraq qalır.  İddia olunur ki, həmin heyvanların ətləri rayonda mal əti adı ilə insanlara satılır. Yerli sakinlərsə belə hala rast gəlmədiklərini qeyd edilər.

Elm və təhsil naziri Emin Əmrullayev şimal-qərb zonasına səfər çərçivəsində Zaqatala şəhər Zəfər Murtuzəliyev adına 1 nömrəli tam orta məktəbin nəzdində yaradılan STEAM Mərkəzinin açılışında iştirak edib.  Açılış mərasimində öncə iştirakçılar Mərkəzdə şagirdlər üçün yaradılmış şəraitlə tanış olublar. Bildirilib ki, innovativ texnologiyalarla tam təmin olunan Mərkəz bütün yaş qruplarının istifadəsi üçün nəzərdə tutulub. Burada "Robotics", "Art", "Science", "STEAMKids", CNC və 3D çapmexatronika, dronistiqamətləri üzrə sahələr var. Mərkəzdə yaradılmış imkanlardan regionun digər məktəblərinin şagirdləri və müəllimləri də yararlana biləcəklər. Bu günədək Zaqatala şəhər akademik Zərifə Əliyeva adına lisey və AşağıTala kənd 1 nömrəli tam orta məktəbdə STEAM layihəsi tətbiq olunub. Zaqatala rayonu üzrə 14 müəllim təlimlərdən keçib. Layihə 374 şagirdi əhatə edir. 2019-cu ildən tətbiqinə başlanılan STEAM layihəsinin əsas məqsədi təhsilalanların yaradıcı düşünmə, əməkdaşlıq etməvə s. kimi bacarıqları formalaşdırmaq, yaradıcı proses vasitəsilə öyrənmə imkanı yaratmaq, fənləri ayrılıqda öyrətməklə yanaşı onları real dünyadakı tətbiqlərə əsaslanan vahid öyrənmə modelində birləşdirməkdir.