Növbədənkənar prezident seçkiləri ilə əlaqədar MSK-nın maarifləndirmə proqramı çərçivəsində Qəbələ şəhər seçki dairələrində məntəqə seçki komissiyalarının üzvləri üçün treninqlər davam edir. Treninqlərdə secki məntəqələrinin səsverməyə hazırlanması, səsvərmə prosesi, səslərin sayılması və səsvermənin nəticələri haqqinda rəsmi protokolların doldurulması qaydaları haqqında danışılıb. Komissiya üzvlərinə “Seçki günü üçün yaddaş” kitabçası və protokol nümunəsi verilib. Sonda treninq iştirakçılarının sualları cavablandırılıb. Qeyd edək ki, 116 saylı Qəbələ seçki dairəsində fəaliyyət göstərən 59 məntəqənin komissiya üzvlərinin treninqi mərhələli olaraq yanvarın 23-dək davam edəcək.

Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Havaların soyuması ilə evlərdə və obyektlərdə təbii qazla işləyən cihazlara tələbat artır. Həmin cihazlardan qaydalara uyğun istifadə edilməməsi isə səssiz ölümün-dəm qazının qurbanlarını artırır. Dəm qazı və ya karbonmonoksit - tərkibində karbon olan yanacaqların yanması və ya tam yanmaması nəticəsində yaranan zəhərli qazdır. Dadsız, rəngsiz və qoxusuz olan bu qazdan zəhərlənmələrin son günlər daha çox artması insanların təbii qazla bağlı qaydalara düzgün riayət edib-etməməsini də sual altında qoyur. Ekspertlər hesab edir ki, dəm qazından boğulma halları əsasən insanların səhlənkarlığından baş verir. Qaz sobalarından və digər qızdırıcılardan istifadə qaydalarına düzgün riayət olunarsa təhlükə minimuma enir. Belə ki, mövsüm başlamazdan əvvəl bütün yaşayış məntəqələrində tüstü bacalarının yoxlanılması, profilaktik tədbirlərin görülməsi olduqca vacibdir. Ekspertlər dəm qazı təhlükəsindən qorunmağın yolunu xəbərdaredici qurğulardan - detektorlardan istifadədə görürlər. Qaz sızması təhlükəsi olduqda bildiriş siqnalı verən bu cür cihazların quraşdırılmasına nəzarəti isə Azəriqaz İstehsalat Birliyi edir. Qaydalara əməl etməyib dəm qazından boğulma təhlükəsi ilə üzləşənlərə ilkin tibbi yardımın vaxtında edilməsi də vacib məsələdir. Dəm qazından zəhərlənmənin əlamətləri baş ağrısı, baş gicəllənmə, ürək bulanması və halsızlıqdır. Həmin halda ani gecikmə insanı həyatından edə bilər. Tibbi yardım briqadası gələnə qədər zəhərlənən şəxsi nəzarətdə saxlamaq, dərhal zəhərlənmə mühitindən çıxarmaq, otağı havalandırmaq lazımdır.

Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.