KANAL-S - Super User

Bazar, 10 Aprel 2022 15:01

Şəkili rəssam əsərini məşhur modele 20 min dollara satdı

Published in SƏNƏTDƏSƏN

Tagged under

Bazar, 10 Aprel 2022 07:44

Uşaqların immunitetini necə gücləndirmək olar?

Published in Doktor Mən

Tagged under

Şənbə, 09 Aprel 2022 18:26

"Balamı bu dünyada görə bilmədim, bəlkə o dünyada görüşmək nəsib olar..."

30 ildir ki, gözləri yol çəkən ailələrdən biri də, Zaqatala rayon sakinləri olan Muxtarovlar ailəsidir.

Ailə Fərrux kəndində aşkarlanan insan qalıqlarının ekshumasiyasınının nəticələri ilə 30 illik intizara son qoyulacağına ümid edirlər.

Zaqatalalı Aydın Muxtarovun ailəsi sonuncu dəfə onun sorağını Fərrux zirvəsi istiqamətində alıb. Ailə Aydının qəbri olacağı günü səbrsizliklə gözləyir.

Muxtarov Aydın Şaban oğlu 1974-cü ildə sadə zəhmətkeş ailəsdə dünyaya göz açıb. 9 illik natamam orta təhsildən sonra rayonun Peşə təmaüllü məktəbində təhsilini davam edən Aydın 1992-ci ilin payızında hərbi xidmətə yola düşür.

Cəmi 3 ay hərbi xidmət keçən Aydından ailə bir daha xəbər ala bilmir. Gözləri yollarda qalan Şaban ata və Zalxay ana bala dərdinə dözə bilməyib, vaxtsız həyatdan köçürlər. Zalxay ananın son sözləri bütün nəslin ürəyini dağlayır. ”Balamı bu dünyada görə bilmədim, ölsəm, əgər şəhiddirsə o dünyada bəlkə görüşmək nəsib olar bizə, deyir ürəyi nisgilli ana.

İtkin düşmüş övladlarının axtarışına çıxan ailə Aydın Muxtarovun son sorağını Xocalının Fərrux zirvəsi istiqamətində alıb. 44 günlük müharibədə şanlı qələbəmiz və son günlər Fərrux zirvəsində tapılan insan qalıqları bir çox nisgilli ailələr kimi, Muxtarovlar ailəsinin də yaralarına məlhəm olub.

Muxtarovlar ailəsinə Aydından qalan bir neçə solmuş şəkil və yazdığı 3 məktubdur. Hərbi xidmət dövründə yazdığı məktublarda Aydın anasından alma,fındıq və maxara istəyib...” . Hər dəfə bu meyvələr və bölgənin əziz yeməyi olan maxara süfrəyə gələndə ailənin boğazı sanki düyümlənir. Ailənin indi yeganə təsəllisi ehtimalların doğru çıxacağı təqdirdə, tezliklə Aydın Muxtarovun da qəbrinin olacağıdır...

Published in XƏBƏRLƏR

Tagged under

Şənbə, 09 Aprel 2022 18:06

Şamaxıda 30 il aradan sonra futbol həyəcanı yaşandı

Şəhərin eyniadlı komandası bu adla və yeni meydanında ilk oyununu keçirib. Oyundan əvvəl azarkeşlərin böyük coşğusu hiss olunurdu. Xüsusilə ilə də 30 illik fasilənin ardınca Şamaxının öz komandasının olması və öz meydanında oyuna çıxması böyük izdiham yaşanacağından xəbər verirdi...

Neftçini qəbul edən Şamaxı komandası ilk oyunda fərqlənib. Rəhman Hacıyev “Şamaxı”nın tarixinə düşüb. 11-ci dəqiqədə cərimə zərbəsindən fərqlənən futbolçu bu şəhərdə 30 ildən sonra vurulan qola imza atıb.

Fasilədən sonra fəallığını artıran "Neftçi" 60-cı dəqiqədə bərabəlik qoluna imza atıb. Braziliyalı forvard Tiaqo Bezerra əks-hücumu dəqiq zərbə ilə tamamlayıb. 72-ci dəqiqədə isə onun həmyerlisi Ramon Maçado çoxgedişli kombinasiyadan sonra komandasının qələbə topunu vurub.

Qeyd edək ki, Şamaxını 1992-ci ildə “Şirvan” təmsil edib. Uzun fasilədən sonra yaradılan "Şamaxı" komandasının bu, ilk oyunudu idi.

Published in XƏBƏRLƏR

Tagged under

Şənbə, 09 Aprel 2022 17:37

Muğanlı-İsmayıllı-Qəbələ yolunun tikintisi davam edir

Əhalinin rahat gediş-gəlişində xüsusi əhəmiyyətə malik Bakı-Şamaxı-Muğanlı-İsmayıllı-Qəbələ avtomobil yolunun Muğanlı-İsmayıllı-Qəbələ hissəsinin yenidən qurulması layihəsi davam etdirilir.

Yolun bu hissəsi geoloji və hidrogeoloji cəhətdən ən mürəkkəb, sürüşmələrə məruz qalan hissəsi hesab olunur. Tikinti işləri aparılarkən məhz bu nüanslar da nəzərə alınır.

Artıq yeni yolun tikintisi ilə bu problemlər də aradan qalxacaq. Muğanlı-İsmayıllı-Qəbələ yolunun ilk 14 km-lik hissəsinin tikintisi sürətlə aparılır. Yolun uzunömürlü və davamlı olması üçün sürüşməyə qarşı tədbirlər çərçivəsində 4 ərazidə ümumi uzunluğu 2.6 km olan svay istinad divarlarının, drenaj sistemlərinin tikintisi və digər mühəndis işlərinin icrası aparılır.

Yolun ilk 2 km-lik ərazisi aktiv sürüşmə sahəsindən yan keçməklə inşa edilir. Nəticədə Ağsuçayınadək olan hissəsində yol 1.1 km, Ağsuçaydan sonrakı hissədə isə yeni istiqamət üzrə yeni Ağsuçay körpüsü və tunel hesabına 1.4 km qısalır. Hazırda layihənin ilk 7 km-lik hissəsində torpaq işləri, yol yatağının tikintisi aparılır. Həmçinin mühəndisi qurğular, ümumi uzunluğu 180 m-dən çox olan dairəvi də düzbucaqlı suötürücülər inşa edilir.

Layihələndirilən yolun 4.5-ci km-də Ağsuçayla və çay vadisi ilə kəsişmədə 1135 metr uzunluqda və 76.5 m hündürlüyündə böyük asma körpü inşa edilir. Yolun Ağsuçayı üzərindəki körpüdən sonra qarşıya çıxan hündür dağdan uzunluğu 865 metr olan tunellə keçilməsi nəzərdə tutulur. Qeyd olunan hissədə tunelin giriş və çıxış portalında qazma işləri, həmçinin svay bərkitmə işləri yekunlaşmaq üzrədir.

Layihədə Muğanlı-İsmayıllı-Qəbələ yolu yenidənqurma nəticəsində 9.7 km qısalaraq 76.8 km təşkil edəcək. Mövcud 2 zolaqlı yol genişləndirilərək 4 hərəkət zolağından ibarət olacaq.

Qeyd edək ki, yolun istifadəyə verilməsi nəqliyyat xərclərinin azaldılmasına, yol hərəkətinin təhlükəsizliyinin təmin edilməsinə, qonşu ölkələrlə ticari münasibətlərin və regionda turizmin inkişafına təkan verəcək.

Published in XƏBƏRLƏR

Tagged under

Şənbə, 09 Aprel 2022 14:34