Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Şəkinin Aşağı Göynük kəndində şəhid Bəxtiyar İdrisovun xatirəsinə həsr olunan “Bəxtiyarsız Günlər” kitabının təqdimatı baş tutub. Tədbirdə çıxış edənlər 19 yaşında şəhadətə ucalan Bəxtiyarın qısa, ancaq şərəfli ömür yolunun əks olunduğu kitab haqqında danışıblar. Vurğulanıb ki, məhz belə qəhrəmanlar sayəsində vətən torpağı düşmən tapdağından azad edilib və ərazi bütövlüyümüz bərpa olunub. Tarix yazan bu qəhərmanların həyatı gənclərə örnək təşkil etməli və onların vətənpərvər ruhda yetişdirilməsində istifadə olunmalıdır. Bu baxımdan şəhidlərə həsr olunan kitabların əhəmiyyəti böyükdür. Bəxtiyar İdrisov haqqında danışan müəllimləri, sinif yoldaşları onun necə vətənpərvər, çalışqan sevgi dolu olmasından danışıblar. Bildirilib ki, kitabda həmçinin şəhid Bəxtiyar İdrisov müəllifi olduğu hekayələr də yer alıb. Xatırladaq ki, Bəxtiyar İdrisov 19-20 sentyabr 2023-cü il tarixlərində keçirilən antiterror tədbirləri zamanı Ağdamın Sırxavənd kəndi istiqamətində gedən döyüşlərdə qəhrəmancasına şəhid olub.

Təsəvvür edin ki, eyni qəsəbədə və eyni küçədə yaşayasan küçənin bir hissəsinin sakinləri evində mavi yanacaqdan istifadə edir digər hissəsi isə gərmədən odundan istifadə edir. Bu paranormal vəziyyət Şamaxı rayonunun Sabir qəsəbəsində yaşanır. Rayon mərkəzindən 6 km məsafədə yerləşən Sabir qəsəbəsinin bir qurp sakinlərinin məskunlaşdıqları ərazidə mavi yanacaq olsa da ondan istifadə edə bilmirlər. Uzun illərdi qaz borularına həsrətlə baxan sakinlərin həsrətinə niyə son qoylumur ? Əməkdaşımız Cavanşir Seyfəddinoğlu araşdırıb. Şamaxının rayon mərkəzindən 6 km məsafədə yerləşən Sabir qəsəbəsinin bir qrup sakini mavi yanacaqdan məhrum qalıb. Əraziyə uzun müddətdir qaz xətti çəkilib, hətta həmin xətlər sakinlərin yaşadığı evlərin yaxınlığından keçir, amma nədənsə qəsəbənin yuxarı hissəsində yerləşən 300-dən çox mənzil mavi yanacaqla təmin olunmur. Sakinlərin sözlərinə görə, qaz xətti olmadığından məcbur olub odundan istifadə edirlər ki, onun da istisindən çox qiyməti yandırır. Odunla qışı keçirmək hər ailəyə 1000-1500 manata başa gəlir. İmkanı olmayan isə həyətindəki ağacları kəsir və ya təzəkdən istifadə edir. “Azəriqaz” İstehsalat Birliyinə Sabir qəsəbə sakinlərinin gileyini biz də çatdırdıq. Qurum rəsmisindən aldığımız cavab belə oldu... Bu dəfə verilən vədə əməl edilsə belə görünür ki, bu qış Sabir qəsəbə sakinlərinin mavi yanacaqsız keçirdiyi son qış olacaq.

Laçın sakinlərinin doğma yurda böyük qayıdışı davam edir. Bu dəfə isə Şəki rayonunun Çələbixan qəsəbəsində məskunlaşan 1 Laçınlı ailəyə bu xoşbəxtliyi yaşamaq, 31 ildən sonra doğma yurduna qayıtmaq qismət olub. Kamal Allahverdiyev ailəsi ilə qayıdışdan öncə bu xoşbəxtliyə vəsilə olan, torpaqlarımızın azadlığına aparan şanlı zəfər uğrunda canından keçən şəhid Ətraf Qənimətovun xatirə abidəsini ziyarət edib. Ruhunu dərin hörmətlə yad edib, abidə önünə tər çiçəklər düzüblər. Çıxış edənlər Ətraf Qənimətov haqqında xatirələrini bölüşüblər. Onun qəhrəmanlığından, mübarizliyindən, gələcək nəsillərə örnək olacaq vətənpərvərliyindən danışıblar. Şəhid valideynlərinə minnətdarlıq bildirilib. Ziyarətdən sonra köçə hazırlaşan ailənin hissləri çox qarışıqdır həm sevinirlər həm kədərlənirlər. 31 il əvvəl ailəsi ilə birlikdə Laçını tərk etməyə məcbur olan Kamal Allahverdiyev 9 yaşında tərk etdiyi vətənə indi ailə başçısı, 3 uşaq atası kimi qayıdır. Kamal deyir ki, bu günü heç təsəvvür edə bilməzdi. Amma bu gün gəldi... Şəkidə arıçılıqla məşğul olan Kamal kişi Laçında da öz peşəsini davam etdirməyi və Laçın balını dünyaya tanıtdırmağı hədəfləyir. Xatırladaq ki, Şəki rayonunda Laçından məcburi köçkün kimi məskunlaşan 1772 üzvü olan 424 ailə var. Onlar da doğma torpaqlara qayıdacaqları günü səbirsizliklə gözləyirlər.

Qaxda polisə müraciət edən zərərçəkmişlər onlara məxsus xırdabuynuzlu heyvanların naməlum şəxslər tərəfindən oğurlanması barədə məlumat veriblər. Keçirilmiş əməliyyat –axtarış tədbirləri nəticəsində həmin cinayətləri törətməkdə şübhəli bilinən Zaqatala rayon sakinləri - əvvəllər də soyğunçuluğa görə məhkum olunmuş Ülvi Bayramov və onun tanışı Rafael Nəsirov saxlanılıblar. Araşdırma zamanı saxlanılan şəxslərin noyabr ayı ərzində 3 dəfə Rafael Nəsirova məxsus avtomobillə Qax rayonuna gələrək burada oğurluq etdikləri məlum olub. Onlar ifadələrində ələ keçirdikləri xırdabuynuzlu heyvanları Zaqatalaya apararaq orada satdıqlarını və əldə etdikləri pulu öz aralarında böldüklərini bildiriblər. Faktla bağlı cinayət işi başlanılıb, məhkəmənin də qərarı ilə Ü.Bayramov və R.Nəsirov barəsində həbs qətimkan tədbiri seçilib.