Dövlət İmtahan Mərkəzi (DİM) martın 3-də tam (11 illik) orta təhsil səviyyəsi üzrə buraxılış imtahanı keçirib.52 min 267 şagirdin iştirakının nəzərdə tutulduğu Imtahan 30 şəhər və rayonda təşkil olunub.

İmtahanların idarə olunmasına 610 imtahan rəhbəri, 4899 nəzarətçi ayrılıb. Imtahan prosesini Şəkidə izləmişik. DİM-in regional bölməsindən verilən məlumata görə, Şəkidə keçirilən və ümumilikdə 2009 nəfərin iştirakının nəzərdə tutulduğu imtahanların idarə olunmasına 23 imtahan rəhbəri və 193 nəzarətçi cəlb edilib. İmtahanların keçirilməsi üçün 161 zal ayrılıb.

İmtahanlarda istifadə olunan yazılı cavab tələb edən açıq tipli tapşırıqların yoxlanılması vaxt tələb etdiyindən nəticələrin yaxın 4 həftə ərzində elan olunması nəzərdə tutulur. Qeyd edək ki, buraxılış imtahanlarında ilk dəfə olaraq imtahan başa çatdıqdan sonra iştirakçılara sual kitabçalarını özləri ilə aparmağa icazə verilib.

Qobustanda kişi arvadını öldürüb, sonra özünə xəsarət yetirib. 42 yaşlı Günel Sadıqovanın öldürülməsi barədə rayon prokurorluğuna məlumat daxil olub. Araşdırma zamanı 51 yaşlı Mürsəl Cabbarovun arvadı Günel Sadıqovaya kəsici-deşici alətlə xəsarətlər yetirərək qəsdən öldürməsi, daha sonra isə özünə xəsarət yetirməsinə əsaslı şübhələr müəyyən edilib. Mürsəl Cabbarov saxlanılıb və polis müşayiəti altında xəstəxanada ona tibbi yardım göstərilib. Faktla bağlı rayon prokurorluğunda Cinayət Məcəlləsinin 120.1-ci maddəsilə cinayət işi başlanaraq ibtidai istintaq aparılır. Qeyd edək ki,Sadıqova Günel iki övladı ilə birlikdə bir müddətdir ki,atasının evində yaşayırmış, qətl hadisəsi də Günel Sadıqovanın atası evində baş verib.