Oğuz şəhərində yerləşən apteklərin birində quldurluq hadisəsi qeydə alınıb. Naməlum şəxs qadın satıcını kəsici alətlə hədələyərək kassada olan 500 manat pulu talayaraq ələ keçirib. Polis əməkdaşlarının həyata keçirdikləri təxirəsalınmaz əməliyyat nəticəsində hadisəni törətməkdə şübhəli bilinən Ramin Məmmədov saxlanılıb. Ondan cinayətdə istifadə etdiyi kəsici alət maddi sübut kimi götürülüb. Saxlanılan şəxsin avtobusdan da pul oğurladığı müəyyən edilib. Faktla bağlı cinayət işi başlanılıb, R.Məmmədov barəsində məhkəmənin qərarı ilə həbs qətimkan tədbiri seçilib.

Şəki Rayon Psixiatriya Xəstəxanasında da bayram tədbiri keçirilib. Xəstəxana kollektivinin iştirak etdiyi tədbirdə çıxış edənlər tibb işçilərini bayam münasibətilə təbrik edib, işlərində uğurlar arzulayıb. Bildirilib ki, illərlə həsrətində olduğumuz torpaqlarımızda artıq Novruz tonqalı qalanır, milli adən-ənənələrimiz işğaldan azad edilən ərazilərimizdə yenidən yaşadılır, vaxtılə zorla doğma yurd-yuvalarını tərk edən insanlar öz evlərində və isti ocaqlarının başında Novruzu qeyd edirlər. Rəsmi hissədən sonra hədiyyələr paylanıb, bayram süfrəsi açılıb.

"Şəkimizə bahar gəlir" adlı şəhər tədbiri keçirilib. Şəki Şəhər İcra Hakimiyyətinin və Şəki-Zaqatala Regional Mədəniyyət İdarəsinin birgə təşkilatçılığı ilə keçirilən tədbirdə rayon rəsmiləri, şəhid ailələri, qazilər və şəhər ictimaiyyəti iştirak edib. Tədbirdə musiqi məktəbləri və kollecin ansambl və rəqs qrupları maraqlı konsert proqramı ilə çıxış edib, tədbirə rəng qatıblar. Daha sonra "Qala divarları”nın həyətində Novruz tonqalı alovlandırılıb, Novruzun personajları olan "Kosa" və "Keçəl" məzəli zarafatları ilə bayram iştirakçılarına xoş əhvali-ruhiyyə yaşadıblar.

Şəkili narkokuryer iş başında tutuldu...

Türk dünyasının böyük şairi, bu il 100 illiyi qeyd edilən Bəxtiyar Vahabzadənin ev muzeyində İlaxır çərşənbə münasibəti ilə bayram tədbiri keçirilib. Tədbirdə Şəki Zaqatala regional mədəniyyət idarəsinin işçiləri xalqın minilliklərdir davam edən adət ənənəsini canlandırıb. Tonqal yandırılıb, tonqal başında musiqi sədaları altında halay çəkilib, yer bellənib, səməni sulanıb. Minilliklərlə xalq yaddaşından süzülüb gələn folklor nümunələri səsləndirilib.

Bu gün Azərbaycanda Novruzun çərşənbələrindən sonuncusu - İlaxır çərşənbədir. İlaxır çərşənbə hər yerdə olduğu kimi, Şamaxıda da böyük sevinc və coşqu ilə qeyd olunur. Sakinlər son çərşənbənin baharın qışa qalib gəlməsinin rəmzi olduğunu deyirlər.