"Qafqazinfo"nun yaydığı məlumata görə, məmur -- şəhid ailələri və qazilərə qarşı dələduzluq əməli törətməkdə şübhəli bilinərək hüquq-mühafizə orqanları tərəfindən saxlanılaraq həbs edilib. Şikayətçilər bildirib ki, Tural Məmmədov bir neçə nəfərə ev, maşın, torpaq sahəsinin veriləcəyini vəd edib və bunun müqabilində müxtəlif məbləğlərdə pul vəsaiti alıb. Faktla bağlı Cinayət Məcəlləsinin 178-ci -Dələduzluq maddəsi ilə başlanmış işin istintaqı davam etdirilir. Şəhid ailələri və qazilərə dəymiş zərərin ödənilməsi istiqamətində tədbirlər həyata keçirilir. Qeyd edək ki, Tural Məmmədov özü də Vətən müharibəsi qazisidir. O, 2021-ci ildən icra hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri vəzifəsində çalışıb. Şəki Şəhər İcra Hakimiyyətindən bildirilib ki, Tural Məmmədov bir müddət əvvəl vəzifədən azad edilib.

Balakən Rayon Polis Şöbəsinin əməkdaşları yerin təkindən qanunsuz istifadə, o cümlədən qeyri-qanuni qum-çınqıl daşınmasının aşkarlanması və qarşısının alınması istiqamətində tədbirlər keçirilib. Balakənçayda qeyri-qanuni qum-çınqıl daşınmasını və satışını həyata keçirən 6 nəfər müəyyən olunub. Onlarla profilaktik söhbət aparılıb və barələrində İnzibati Xətalar Məcəlləsinin müvafiq maddəsi ilə protokol tərtib edilərək aidiyyəti üzrə 7 saylı Regional Ekologiya və Təbii Sərvətlər İdarəsinə göndərilib.

Bakı-Şamaxı-Yevlax magistralında dəhşətli qəza, iki nəfər həyatını itirdi

Zaqatanın yeni salınan Şimal-Qərb yaşayış massivinin yaxınlığındakı zibil poliqonunun yaratdığı antisanitar vəziyyətdən danışmışdıq. Çəkilişimizin ardınca problem tez bir zamanda həll olundu. İndi həmin ərazidə üfunət qoxulu zibil təpəcikləri yerində təmiz, ürəkaçan xoş mənzərə var. Ancaq sakinlər yenə şikayətçidir. Ərazidə zibil qutuları olmadığından köhnə vəziyyətin yenidən yaranacağından narahatdırlar.

Şamaxıda şəhid Fərid Alıyev doğum günündə məzarı başında anılıb. Anım tədbirində rayon rəsmiləri, şəhid ailələri, qazilər və ictimaiyyət nümayəndələri iştirak ediblər. Şəhidlər xiyabanında şəhidimizin məzarı ziyarət olunub, ruhuna dualar oxunub.