Super User
“ŞƏKİ MƏDƏNİYYƏT” festivalının mükafatlandırılma mərasimi keçirilib…
3 ay müddətində davam edən “ŞƏKİ MƏDƏNİYYƏT” festivalı 2015-ci ildən fəaliyyət göstərən “ELM” Gənclərin Sosial-İntellektual İnkişafına Dəstək İctimai Birliyinin sayca 7-ci layihəsidir. Layihə çərçivəsində məntiqi və Şəkinin mədəniyyətini əhatə edən sualların köməyi ilə gənclərin intellektual bilikləri sınanılıb. Müsabiqənin qalibi olan 31 nəfər hədiyyə və sertifikatlarla mükafatlandırılıb. “ELM” ictmai birliyinin layihələrində əsas məqsəd Azərbaycan tarixinə, mədəniyyətinə sevgisini və marağını artırmaq, həmçinin istedadlı gəncləri aşkar etmək, onların gələcək inkişafına dəstək göstərməkdir. Qeyd edək ki, ümumilikdə müsabiqələrdə 5000-ə yaxın intellektual gənc iştirak edib.
Heyvanlar yanaraq tələf oldu...
İsmayıllıda 24 baş inək və qoyun yanaraq tələf olub. İsmayıllı rayonunda dəhşətli yanğın hadisəsi baş verib. Hadisə rayonun Kəlbənd kənd sakini, 1954-cü il təvəllüdlü Quliyev Rəşid İsmayıl oğluna məxsus ümumi sahəsi 132 kvadratmetr olan mal-qara tövləsində baş verən yanğının söndürülməsi üçün əraziyə FHN-nin İsmayıllı və Göyçay Dövlət Yanğından Mühafizə Hissələrinin 3 avtomobili və canlı qüvvəsi cəlb olunub. Hadisə zamanı tövlə, içəridəki 17 baş qoyun və 7 baş inək, çardaqdakı 1.5 ton ot yanaraq tələf olub. Hadisə zamanı tövlənin yanındakı "QAZ 53" markalı yük maşını yanıb. Yanğınsöndürənlər alovun yaxınlıqdakı evə keçməsinin qarşısını alıb. Xəsarət alan olmayıb. Yanğının baş vermə səbəbi hələ ki, məlum deyil. Faktla bağlı araşdırma aparılır.
5 yaşlı uşağı avtomobil vurub…
Zaqatalada 5 yaşlı uşağı avtomobil vurub. Hadisə rayonun Dağlı kəndində baş verib. Kənd sakini Tunar Bayramov "Changan" markalı minik avtomobili tərəfindən vurulub.
Müxtəlif dərəcəli bədən xəsarətləri alan azyaşlı Zaqatala Rayon Mərkəzi Xəstəxanasının reanimasiya şöbəsinə yerləşdirilib. Onun vəziyyətinin orta-ağır olduğu bildirilir.
Faktla bağlı Zaqatala rayon Polis Şöbəsində araşdırma aparılır.
13 yaşlı oğlanı ilan sancıb…
Zaqatalada 13 yaşlı oğlanı ilan sancıb. Hadisə rayonun Kəpənəkçi kəndində baş verib. Məhəmməd Kərimov yaşadığı evin həyatyanı sahəsində oynayarkən ilan qəfildən onun sağ əlindən sancıb. Məhəmməd Kərimova Zaqatala Rayon Mərkəzi Xəstəxanasında lazımi tibbi yardım göstərilib, ilan zəhərinə qarşı zərdab vurulduqdan sonra ambulator müalicə almaq şərti ilə evə buraxılıb.
Nəfəsdən nəfəs kəsən ifa | Xəyalə ilə axşam söhbəti
İspanaqlı can əti resepti | Yeməli 30-cu veriliş
Sacda qızardılmış dadlı qutab | Kəndimiz 43-cü veriliş
Uzman ortoped-travmatoloq Vüsal İsmayılov "Həkimcanlı"da 13.04.2022
Lor, plastik cərrah Kamran İbrahimov "Həkimcanlı"da 12.04.2022
Prezidentin fəaliyyətinə həsr olunan tədbir keçirilib...
Şəki şəhər Heydər Əliyev Mərkəzində keçirilən tədbirdə şəhər rəhbərliyi, əmək kollektivləri , ictimaiyyət nümayəndələri, ziyalılar iştirak ediblər. Bildirilib ki, Dövlətimizin başçısının 2003-cü ildə ilk dəfə Prezident seçilməsindən ötən 15 il ərzində Azərbaycan misilsiz inkişaf yolu keçib. Ümummilli lider Heydər Əliyevin siyasi kursunun layiqli davamçısı kimi Prezident İlham Əliyevin uzaqgörən siyasəti və həyata keçirdiyi islahatlar nəticəsində ölkəmizin beynəlxalq nüfuzu daha da möhkəmlənib. Diqqətə çatdırılıb ki, 2003-2018-ci illər tariximizə möhtəşəm iqtisadi yüksəliş dövrü kimi daxil olub. Bu dövrdə ümumi daxili məhsul 3,2 dəfə, büdcə gəlirləri 13,5 dəfə, valyuta ehtiyatları 26,6 dəfə artıb. Maaşlar təxminən 7 dəfə, pensiyalar 10 dəfədən çox artıb. Bu dövrdə iqtisadiyyatın neft-qaz sektoru da əsaslı şəkildə inkişaf edib. Diqqətə çatdırılıb ki, qeyd olunan illər, eyni zamanda, Azərbaycan Ordusunun sürətli inkişaf dövrüdür. 2016-cı ilin Aprel döyüşləri bütün dünyaya Azərbaycan Ordusunun gücünü, qələbə əzmini, ədalətin bərpa olunacağını göstərib. 2020-ci ildə Vətən müharibəsində Müzəffər Ali Baş Komandan İlham Əliyevin rəhbərliyi ilə əldə olunan böyük Qələbə ölkəmizin qəti Zəfərini təmin edib. 2018-ci ildə "Biz hamımız gələcəyə çox böyük nikbinliklə baxırıq" tezisi 2020-ci ildə "Qarabağ Azərbaycandır!" şüarına çevrilərək Azərbaycanın müstəqilliyinin dönməz, əbədi olduğunu bir daha sübuta yetirib. Qeyd olunub ki, hələ 2003-cü ildə dövlət başçısı kimi səlahiyyətlərinin icrasına başlayarkən “Mən hər bir azərbaycanlının Prezidenti olacağam” deyən İlham Əliyev ötən 19 ildə cəmiyyətdə mütləq çoxluğun böyük rəğbət və etimad göstərdiyi liderə çevrilib. Sonra tədbir iştirakçıları Azərbaycan Televiziyasının hazırladığı “Prezident. Təkrarsız diplomatiya” sənədli filmini izləyiblər.