PREMYERA2 (3)
Ermənistan silahlı qüvvələrinin törətdiyi genişmiqyaslı təxribatların qarşısının alınması zamanı qəhrəmancasına şəhid olan igidlərimizdən biri də Leytenant Sərxan Ömərovdur. 1999-cu ilə Zaqatalanın Yuxarı Tala kəndində anadan olan Sərxan uşaqlıqdan ailəsinə, doğmalarına qarşı qayğısı, idmana, hərbi sahəyə marağı ilə seçilirdi.
2014-cü ildə C. Naxçıvanski adına Hərbi liseyə daxil olan Sərxan 2017-ci ildə təhsil ocağını yaxşı qiymətlərlə bitirir. Ardınca Heydər Əliyev adına Azərbaycan Ali Hərbi Məktəbində təhsil alır. Vətən Müharibəsi başlayan zaman sonuncu kursda oxuduğuna görə, kiçik leytenant rütbəsi verilməklə birbaşa cəbhəyə göndərilən Sərxan igidliyi, qorxmazlığı ilə döyüş yoldaşları arasında ad-san qazanır. Göstərdiyi şücaətlərə görə o, “ Vətən müharibəsi iştirakçısı” medalı ilə təltif olunur.
Məzun olduqdan sonra XTQ-də xidmət göstərən Sərxan Ömərov tağım komandirinin müavini vəzifəsinə təyin olunur və Şəhid olanadək bu vəzifədə xidmət edir. Leytenant Sərxan Ömərov Xüsusi Təyinatlı Qüvvələrdə xidmət etdiyi müddət ərzində nizam-intizamlı, bacarıqlı, işgüzar və vəzifəsinin öhdəsindən gələn zabit kimi yaddaşlarda qalıb.
Özünə qarşı tələbkar, intellektual səviyyəsi yüksək bir zabit olan Sərxan Ömərov peşəkarlığını, bilik səviyyəsini artırmaq üçün daim çalışırdı. Elə, hərbi tapşırıqların düzgün və vaxtında yerinə yetirilməsində də bu əzmkarlığı Sərxana kömək oldu. Ancaq təəssüf ki, mənfur düşmənin təxribatının qarşısını alarkən, 23 yaşlı cəsur el oğlu da qəhrəmancasına şəhid olur. Oğluna nişan hazırlığı edən ailənin bu arzusu ürəklərində qalır. İki bacının yeganə qardaşı olan Sərxanı bu gün əzizləri qürurla xatırlayır.
Şəhidin yaşadığı küçədə xatirə bulağının açılışı olub. Ailə üzvləri, yaxınları, kənd sakinləri ilə yanaşı, rayon rəhbərliyinin, ziyalıların da qatıldığı açılışda Sərxan Ömərovun keçdiyi qısa,lakin şərəfli ömür yolundan danışılıb. Vətən sevgisini bütün sevgilərdən üstün tutan Sərxan Ömərov ölümündən sonra “Azərbaycan bayrağı” ordeni və “ Vətən uğrunda” medalı ilə təltif olunub.
Səndən təsəlli bir zabit mundiri, bir cüt ulduzlu, aylı poqonlar...
Written by Super UserƏgər bir yaxının rəhmətə getdisə, onun kədəri, dəfn mərasimi qalır bir tərəfdə, başlayırsan bir toyun bazarlığını etməyə. Çünki baş sağlığı üçün gələnlərə ən pis halda dovğa, bozbaş, plov verməlisən. Əgər maddi imkanı yaxşı deyilsə, borc alıb, hətta kredit götürüb yas verənlər də az deyil. Necə deyərlər, "qəşəng" ehsan verməsə, adam içinə çıxmağa xəcalət çəkəcək. Bu kimi problemlərdən təngə gələn Şəki rayonunun Şirinbulaq kənd camaatı ümumi bir qərar verib ki, bundan sonra yas mərasimlərində yemək verilməsin. Yaxınını itirmiş şəxslərin "ehsan" süfrələri açmaqda yarışması, israfçılıq və ifratçılıq etməsi İslam ədəb-ərkanına ziddir. Şəkinin Kiçik Dəhnə, Kiş və Oxud kəndlərində artıq yaslarda yemək verilməsi adəti tədricən aradan qaldırılır. Şübhəsiz ki, oturuşmuş ənənələrin asanlıqla ləğv edilməsi çətindir. Problemdən xilas olmağın mükəmməl yolusa maarifləndirmə, yas məclislərini idarə edən din xadimlərinin öz vəzifələrini və məsuliyyətlərini dürüst anlamalarıdır.
Baharın gəlişi münasibətilə başdan-başa bayram libası ilə bəzənib-düzənmiş Şamaxı göz oxşayır. Küçə və meydanlarda müasir işıqlandırma sistemləri tətbiq olunmaqla novruz atributları və baharın gəlişini özündə ehtiva edən digər qurğular quraşdırılıb. Rayonun giriş və çıxışında 9 və 5 metr hündürlüyündə səmənilər qurulub.
Yurdumuza qədəm qoyan baharı tərənnüm edən bu qurğuların quraşdırılması əhalidə xoş ovqat yaradıb, onların bayram sevincini daha da artırıb. Xüsusilə də gecə saatlarında Şamaxını bahar səması...